مۋباراك دارعا اسىلا ما؟
سەنبى, 7 قاڭتار 2012 7:58
مۋباراكتىڭ يراك پرەزيدەنتى ساددام حۋسەيننىڭ تاعدىرىن قايتالاۋى مۇمكىن.
كايردە ءوتىپ جاتقان سوت پروتسەسىنىڭ باس ايىپتاۋشىسى ەلدىڭ بۇرىنعى پرەزيدەنتى حوسني مۋباراك پەن باسقا دا ايىپتالۋشىلاردى ءولىم جازاسىنا كەسۋدى تالاپ ەتتى. ولاردىڭ قاتارىندا مۋباراكتىڭ بالالارى مەن ىشكى ىستەر مينيسترلىگىنىڭ بۇرىنعى باسشىسى بار. ەگيپەتتە ءولىم جازاسى دارعا اسۋ ارقىلى جۇزەگە اسىرىلادى. وسىلايشا ەرەۋىل كەزىندە ادامداردى اتۋعا تىكەلەي بۇيرىق بەرمەگەن مۋباراكتىڭ يراكتىق ارىپتەسى س.حۋسەيننىڭ تاعدىرىن قايتالاۋ مۇمكىندىگى كۇشەيىپ تۇر.
سەنبى, 7 قاڭتار 2012 7:58
مۋباراكتىڭ يراك پرەزيدەنتى ساددام حۋسەيننىڭ تاعدىرىن قايتالاۋى مۇمكىن.
كايردە ءوتىپ جاتقان سوت پروتسەسىنىڭ باس ايىپتاۋشىسى ەلدىڭ بۇرىنعى پرەزيدەنتى حوسني مۋباراك پەن باسقا دا ايىپتالۋشىلاردى ءولىم جازاسىنا كەسۋدى تالاپ ەتتى. ولاردىڭ قاتارىندا مۋباراكتىڭ بالالارى مەن ىشكى ىستەر مينيسترلىگىنىڭ بۇرىنعى باسشىسى بار. ەگيپەتتە ءولىم جازاسى دارعا اسۋ ارقىلى جۇزەگە اسىرىلادى. وسىلايشا ەرەۋىل كەزىندە ادامداردى اتۋعا تىكەلەي بۇيرىق بەرمەگەن مۋباراكتىڭ يراكتىق ارىپتەسى س.حۋسەيننىڭ تاعدىرىن قايتالاۋ مۇمكىندىگى كۇشەيىپ تۇر.
ساياسي داعدارىس ۋشىعىپ تۇر
يراكتا ورىن العان بىرنەشە تەراكتىلەر سالدارىنان قازا تاپقاندار سانى 78-گە جەتىپ, جۇزدەن استام ادام جاراقاتتار العان.
باعدادتىڭ مۇسىلمان-شەيىتتەر تۇراتىن اۋدانىندا تاڭەرتەڭگى قاربالاس ساتتە ەكى كۇشتى جارىلىس بولعان. ارادا بىرنەشە ساعات وتكەندە يراكتىڭ وڭتۇستىگىندەگى دي-كار پروۆينتسياسىندا ىسكە قوسىلعان جارىلعىش قۇرىلعى 40 ادامنىڭ ءومىرىن جالماعان. ايتا كەتۋ كەرەك, يراكتا ەلدەن امەريكالىق اسكەرلەردى اكەتۋ پروتسەدۋراسى اياقتالىسىمەن-اق باستالعان ساياسي داعدارىس بۇگىندە بارىنشا ۋشىعىپ تۇر.
اقش-تىڭ جاڭا اسكەري ستراتەگياسى
وباما پەنتاگوندا اسكەري بيۋدجەتتىڭ قىسقاراتىندىعى جانە سونىمەن بىرگە اسكەري ۇستەمدىكتىڭ ساقتالاتىندىعى تۋرالى حابارلادى.
بەيسەنبى كۇنى اقش پرەزيدەنتى باراك وباما پەنتاگوندا بولىپ, وندا ۇزاق ءسوز سويلەدى. وعان اق ءۇي مەن پەنتاگوننىڭ «اقش-تىڭ جاھاندىق كوشباسشىلىعىن قولداي وتىرىپ. ءححى عاسىرداعى قورعانىس باسىمدىقتارى» اتتى ءبىرلەسكەن قۇجاتتى جاريالاۋى سەبەپ بولىپ وتىر. قۇجاتتا اقش-تىڭ جاڭا اسكەري جاعدايلاردى ەسكەرگەندەگى تىڭ ستراتەگيالىق باسىمدىقتارى كورىنىس تاپقان. ءوز سوزىندە وباما اسكەري بيۋدجەتتىڭ قىسقاراتىندىعىن ايتىپ, قارۋلى كۇشتەر سانىنىڭ قىسقارۋى مۇمكىن ەكەندىگىن دە ەمەۋرىنمەن ءبىلدىردى.
تۇرىك ءمينيسترى يرانعا كەلدى
تەھراندا يران مەن تۇركيا سىرتقى ساياسات ۆەدومستۆولارىنىڭ باسشىلارى الي اكبار سالەحي مەن احمەد داۆۋدوگلۋ اراسىندا كەلىسسوزدەر وتۋدە.
تۇرىك بۇقارالىق اقپارات قۇرالدارىنىڭ حابارلاۋىنشا, تەھرانعا الدىن-الا مالىمدەلمەگەن ساپارمەن كەلگەن تۇركيانىڭ سىرتقى ىستەر ءمينيسترى يران تاراپىمەن ەكى جاق ءۇشىن دە مۇددەلىلىك تۋعىزاتىن بىرقاتار ماسەلەلەردى تالقىلاماق. ونىڭ ىشىندە تاياۋ شىعىستاعى وقيعالار مەن يراننىڭ يادرولىق جاعدايىنا قاتىستى دا ماسەلەلەر بار.
الەمدەگى ەڭ بيىك كوپىر
مەكسيكادا ەل پرەزيدەنتى فەليپە كالدەروننىڭ قاتىسۋىمەن الەمدەگى ەڭ بيىك كوپىردىڭ اشىلۋ سالتاناتى بولدى.
«Baluarte» دەگەن اتاۋعا يە بولعان كوپىر سينالوا جانە دۋرانگو شتاتتارىن جالعاستىراتىن بولادى. ەل تاۋەلسىزدىگىنىڭ 200 جىلدىعىنا ورايلاستىرىلىپ اشىلىپ وتىرعان كوپىردىڭ بيىكتىگى 403 مەتردى قۇرايدى. ۇزىندىعى – 1124 مەتر. بولاشاقتا كوپىر مەكسيكانىڭ تىنىق جانە اتلانت مۇحيتى جاعالاۋلارىن بايلانىستىراتىن كۇرەجولدىڭ ءبىر بولىگىنە اينالماق.
كاتاردا «تاليبان» وكىلدىگى اشىلماق
اۋعاندىق «تاليبان» قوزعالىسىنىڭ كاتاردا ءوز وكىلدىگىن قۇرۋ تۋرالى الدىن-الا ۋاعدالاستىققا قول جەتكىزگەنى تۋرالى حاباردى بۇۇ قىزىعۋشىلىقپەن قابىلداعان.
بۇل تۋرالى بۇۇ باس حاتشىسىنىڭ رەسمي وكىلى مارتين نەسيركە حابارلاعان. ول قازىرگى داۋ-جانجالدى تەك ساياسي قۇرالدار ارقىلى عانا رەتتەۋگە بولادى دەگەن بۇۇ-نىڭ اۋعانستانعا ىقپال ەتۋ جونىندەگى ميسسياسىنىڭ ءمالىمدەمەسىن كەلتىرگەن. بۇۇ ميسسياسى بەيبىت ۇدەرىسكە باعىتتالعان كەز كەلگەن باستاماعا قولداۋ بىلدىرەدى, دەپ اتاپ كورسەتكەن رەسمي وكىل تۇراقتى ءوتىپ تۇراتىن بريفينگ كەزىندە.
سايلاۋ ءوز مەرزىمىندە وتەدى
گرۋزياداعى پارلامەنت سايلاۋى زاڭدا بەلگىلەنگەن مەرزىمدە, ياعني وسى جىلدىڭ قازانىندا وتەدى دەپ مالىمدەگەن ەل پرەزيدەنتى ميحايل سااكاشۆيلي.
سونداي-اق پرەزيدەنت سايلاۋعا حالىقارالىق بايقاۋشىلاردىڭ نەعۇرلىم كوبىرەك قاتىسقانىن قالايتىنىن دا جەتكىزگەن. ونىڭ ايتۋىنشا, پرەزيدەنت رەتىندە ول سايلاۋدىڭ «تازا» وتۋىنە بارىنشا مۇددەلى. گرۋزيا باسشىسى مەملەكەتتىڭ ءادىل دە دەموكراتيالىق سايلاۋ وتكىزۋ ءۇشىن قاجەتتى قارجى بولەتىنىن دە اتاپ كورسەتتى.
ەۋروپاعا توپان سۋ قاتەرى تونۋدە
نيدەرلاندىنىڭ سولتۇستىك اۋداندارىنىڭ تۇرعىندارى قاۋىپسىز جەرلەرگە كوشۋگە دايىندالۋدا.
«اندرەا» داۋىلىنىڭ سالدارىنان ءوڭىردە بىرنەشە كۇننەن بەرى قاتتى جەل تۇرىپ, نوسەر جاڭبىر جاۋدا. بيلىك ونداعان ەلدى مەكەننىڭ توپان سۋ استىندا قالۋ قاۋپى بار ەكەنىن حابارلاعان. اۋا رايىنىڭ قولايسىزدىعى ەلدەگى اۋە قاتىناسىنا دا نۇقسان كەلتىرۋدە. امستەردامنىڭ حالىقارالىق اۋەجايىندا وتىزدان استام رەيستەردىڭ ۇشۋ ۋاقىتى كەيىنگە قالدىرىلىپ وتىر. تەمىر جولدارعا اعاشتىڭ قۇلاۋىنا بايلانىستى پويىزدار ءجۇرىسى كەشىكتىرىلۋدە. وسىنداي جاعداي ەۋروپانىڭ باسقا دا بىرقاتار ەلدەرىندە ورىن الىپ وتىر.
ينتەرنەت ماتەريالدارى نەگىزىندە ازىرلەندى.
