بۇل وقيعا 2018 جىلدىڭ قىركۇيەك ايىندا بادامشا اۋىلىنداعى «ايگولەك» بالاباقشاسىندا بولعانىن حابارلايمىز. وقيعادان كەيىن تاربيەشى جۇمىستان شىعارىلدى, بالاباقشا مەڭگەرۋشىسى تارتىپتىك جازاعا تارتىلدى.
سونىمەن بىرگە اقتوبە وبلىسىنىڭ اكىمى وڭداسىن ورازالين بۇل ماسەلەنى ەرەكشە باقىلاۋىندا ۇستاۋدى پوليتسيا دەپارتامەنتىنە تاپسىردى. ال ءبىلىم باسقارماسىنا جانە اۋدان اكىمدىكتەرىنە مۇنداي جاعدايدىڭ قايتالانۋىنا جول بەرمەۋ ءۇشىن وبلىستىڭ بارلىق مەكتەپ جانە مەكتەپكە دەيىنگى مەكەمەلەرىندە بارلىق قاجەتتى شارالاردى قابىلداۋعا, ءتيىستى الدىن الۋ جۇمىستارىن جۇرگىزۋدى تاپسىردى.
اقتوبە وبلىسىنىڭ پوليتسيا دەپارتامەنتىنىڭ حابارلاۋىنشا, بولعان وقيعانىڭ بارلىق ءمان-جايلارىن ناقتىلاۋ ۇشىن قر قىلمىستىق كودەكسىنىڭ «كامەلەتكە تولماعانداردى تاربيەلەۋ تۋرالى مىندەتتەمەسىن ورىنداماۋ» تۋرالى 140-بابىنىڭ 2-بولىگى بويىنشا الدىن الا تەرگەۋ جۇمىستارى باستالدى.
