وسى كەزدەسۋ بارىسىندا اتالمىش قاۋىمداستىقتىڭ مەنەدجەرى قايرات تىلەۋباەۆ: ء«بىز قازىرگى كەزدە زاڭگەرلىك قىزمەت قۇرۋ بويىنشا جۇمىستار جۇرگىزىپ, وسى ىسكە كەشەندى مەديتسينالىق توپتى تارتتىق. قۇرامىندا 20 فەدەراتسياسى بار قاۋىمداستىقتىڭ باسىم باعىتى – بالالار سپورتى مەن بۇقارالىق. قولدا بار مالىمەتتەرگە سۇيەنسەك, ەلىمىزدە جەكپە-جەك تۇرلەرىمەن 180 مىڭنان استام ادام اينالىسادى. ءبىز كوپشىلىك نازارىن وليمپيادالىق ەمەس سپورت تۇرلەرىنە اۋدارۋعا ءتيىسپىز», – دەپ اتاپ ءوتتى.
– جۋىردا ءبىز مما ارالاس جەكپە-جەكتەن قازاقستان چەمپيوناتىن وتكىزدىك, – دەيدى ارالاس جاۋىنگەرلىك جەكپە-جەك ونەرىنىڭ بىرلەسكەن فەدەراتسياسىنىڭ باس ديرەكتورى ءۋاليحان تەن. – بۇل جارىستا 230 سپورتشى كۇش سىناستى. ەندى قاۋىمداستىقتىڭ جۇرگىزىپ وتىرعان وسى جۇمىسىنىڭ وڭ ناتيجەسىنىڭ ارقاسىندا كوپتەگەن سپورتشىلار ءۇشىن كاسىپقويلار اراسىندا ونەر كورسەتۋگە مۇمكىندىك تۋادى.
ارىپتەسىنىڭ بۇل ءسوزىن مۋايتاي فەدەراتسياسىنىڭ پرەزيدەنتى ەلحان امانقۇوۆ تا قولداپ وتىر. «قازاقتا «ەڭ قوشقاردىڭ باسى ءبىر قازانعا سىيمايدى» دەگەن ماقال بار. كوپتەگەن فەدەراتسيالار ەنتۋزياستاردىڭ عانا ارقاسىندا جۇمىس ىستەپ كەلەدى. ال ەرتەڭگى كۇنى بىزدەر كەتسەك, نە بولماق؟ بالالار مەن جاس جەتكىنشەكتەر ۇيلەسىمدى تۇردە دامۋى كەرەك. ال دەنە شىنىقتىرۋسىز بۇل مۇمكىن ەمەس. بارلىعىمىز دا سپورت ارقىلى وستىك. بۇل سالانىڭ قىر-سىرى, ءمانى مەن ماڭىزىن جاقسى بىلەمىز. ەگەر بارلىعىمىز ءبىر ۇستەلدىڭ باسىندا جينالساق, قابىلدانعان شەشىمدەرىمىز دە وڭدى بولادى», – دەيدى ول.
بىزگە ءار جەرلەردە وسى ىسكە ارالاسۋ مىندەتى جۇكتەلى وتىر, – دەيدى الماتى قالاسى بويىنشا ۇلتتىق قاۋىپسىزدىك دەپارتمەنتىنىڭ توراعاسى سەرىك ءجۇنىسوۆ. – بۇل جۇمىس اشىق جانە جاريا تۇردە جۇرگىزىلۋگە ءتيىس. ءبىزدىڭ لينيا بويىنشا باقىلاۋ ءىسى جۇزەگە اسىرىلادى.
2021 جىلى قازاقستاندا «سپورت-اككورد» دۇنيەجۇزىلىك ويىندارى وتەدى. قازىرگى كەزدە حالىقارالىق ۇيىمدار جەكپە-جەك تۇرلەرىنەن ستۋدەنتتەر اراسىندا وسى سەكىلدى جارىستار وتكىزۋ جوباسى بويىنشا جۇمىستار جۇرگىزۋدە. الداعى ۋاقىتتا اتقارىلاتىن شارۋالار شاش ەتەكتەن.
عالىم سۇلەيمەن,
«Egemen Qazaqstan»
