بانكتىڭ بيزنەستى قولداۋ باعىتى

يندۋستريا جانە ساۋدا مينيسترلىگىندە پرەزيدەنت جانىنداعى كاسىپكەرلەر كەڭەسى وتىرىسىنىڭ قورىتىندىلارى بويىنشا “سامۇرىق-قازىنا” ۇلتتىق ءال-اۋقات قورى مەن قازاقستاننىڭ دامۋ بانكى وكىلدەرىنىڭ قاتىسۋىمەن كەڭەس ءوتتى. ونىڭ بارىسىندا وتاندىق بيز­نەستى قولداۋ جانە وڭدەۋشى ونەر­كا­سىپتى ورتا جانە ۇزاق مەرزىمدى نە­سيە­لەۋ كولەمىن ۇلعايتۋ قاجەتتىلىگى بويىنشا جۇمىستى كۇشەيتۋ ءما­سە­لەلەرى تالقىلاندى. وسى كۇندەرى قدب ەلىمىزدىڭ بانك سەكتورىندا ۇزاق مەرزىمدى نەسيەلەۋدىڭ نەگىزگى كوزدەرى­نىڭ ءبىرى بولىپ ەسەپتەلەتىنى بەلگىلى. قازىرگى كەزدە اتالمىش بانكتىڭ قاتىسۋىمەن شامامەن 2 ملرد. اقش دوللارى كولەمىندە وتاندىق كومپانيالاردىڭ 62 ينۆەستيتسيا­لىق جوباسى ىسكە اسىرىلۋدا. كا­پي­تال رىنوگىندا اقشالاي رەسۋرس­تار­دىڭ قۇنى وزگەرۋىنە جانە جالپى ەكو­نوميكالىق بەلسەندىلىكتىڭ ازايۋى­نا قاراماستان, قدب الەمدىك قارجىلىق داعدارىس باستالعان كەزدەن بۇرىن بەرىلگەن قارىزدار بوي­ىنشا سىياقى مولشەرلەرىن ارت­تىرماۋ, قارىزداردى مەرزىمىنەن بۇرىن وتەگەنى ءۇشىن كوميسسيانى ءوندىرىپ الماۋ, كليەنتتەردىڭ مىندەت­تەمەلەرىن قايتا قۇرىلىمداۋ بوي­ىن­شا بەلسەندى جۇمىس جۇرگىزۋ شا­را­لارىن اتقارۋدا. سونىمەن بىرگە, قازاقستاننىڭ دامۋ بانكى بەرىلگەن قارىزدار بويىنشا ۇستەمە تابىس­تاردى الۋدى ماقسات ەتپەيدى جانە ول ينۆەستيتسيالىق جوبالاردى ىسكە اسىرۋدى ءوز جۇمىسىنىڭ تيىمدىلىگى­نىڭ باستى بەلگىسى رەتىندە سانايدى. بانك بۇدان ءارى قارىز الۋشى­لار­دىڭ قولدانىستاعى كاسىپورىن­دا­رىن رەتكە كەلتىرۋدى, سونىمەن بىرگە, بيزنەستىڭ ترانسپارەنتتىلىگىن قام­تاماسىز ەتەتىن, مەملەكەتتىڭ ين­دۋستريالىق ساياساتىنىڭ باسىمدىق­تا­رىنا سايكەس كەلەتىن جانە دامۋ بولاشاقتارى بار كومپانيالاردىڭ جاڭا باستامالارىن قولداۋدى جالعاستىرۋعا نيەت بىلدىرەدى. ەلباسىنىڭ ينۆەستيتسيالىق جوبالاردى ۇزاق مەرزىمدى نەسيەلەۋدى قامتاماسىز ەتۋ بويىنشا تاپسىر­ما­سىن ورىنداۋ ماقساتىندا, قدب بيىلعى جىلدىڭ ناۋرىز ايىنىڭ سوڭىندا كوممەرتسيالىق بانكتەرگە بانكارالىق نەسيەلەۋ تۇرىندە جاڭا قارجى كوزىن ۇسىنادى. ينۆەستيتسيا­لاردىڭ كولەمى 5-تەن 50 ملن.-عا دەيىن اقش دوللارىن قۇرايتىن وڭىرلىك ينۆەستيتسيالىق جوبالاردى ىسكە اسىرۋ ءۇشىن ەكىنشى دەڭگەيلى بانك­تەردى ماقساتتى جانە ۇزاق مەرزىمدى قورلاندىرۋ كوزدەلگەن. بۇل قدب-عا ءوز ينۆەستيتسيالارىن كەڭەيتۋگە مۇمكىندىك بەرەدى, ال ەكىنشى دەڭ­گەي­لى بانكتەر بولسا, وزدەرىنىڭ كور­پو­راتيۆتىك كليەنتتەرىنە ينۆەستيتسيا­لىق نەسيەلەۋدى ۇسىنۋ مۇمكىندىگىنە يە بولادى. قازىر ۇكىمەتتىڭ “سامۇرىق-قا­زىنا” قورى ارقىلى قولداۋى ارقا­سىندا قدب 4 ملرد. اقش دول­لارى­نا دەيىن سىرتقى قارىزداردى ەل ەكونوميكاسىنا تارتۋ مۇمكىن­دىگىنە يە بولىپ وتىر. سونىمەن, “قازاقستاننىڭ دامۋ بانكى” اق بيىلعى جىلدىڭ 26 اق­پانىندا وتكەن كاسىپكەرلەر كەڭە­سىندە ەلباسىنىڭ بانك سەكتورىنا بەرگەن تاپسىرمالارىن ەسكەرە وتى­رىپ, ەكونوميكانىڭ وڭدەۋشى سالا­لارىندا ينۆەستيتسيالىق جوبالاردى قولداۋدى جالعاستىراتىن بولادى. انىقتاما ءۇشىن ايتا كەتسەك,  2001 جىلى قۇرىلعان “قازاقستان­نىڭ دامۋ بانكى” اق قازىرگى كۇنى “سا­مۇ­رىق-قازىنا” قورىنىڭ قۇرامىنا كى­رەدى. بانك قىزمەتىنىڭ نەگىزگى با­عىتتارى مەملەكەتتىك ين­ۆەس­تيتسيالىق قىزمەتتى جەتىلدىرىپ, تيىمدىلىگىن ارت­تىرۋ, وندىرىستىك ينفراقۇرىلىمدى جانە وڭدەۋشى ونەركاسىپتى  دامىتۋ, ەل ەكونومي­كا­سىنا سىرتقى جانە ىشكى نەسيە­لەر­دى تارتۋعا قولداۋ كورسەتۋ بولىپ سانالادى. داستان كەنجالين.