«مۇگەدەكتەردى جۇمىسقا ورنالاستىرۋ ءۇشىن ارنايى جۇمىس ورىندارىن قۇراتىن جۇمىس بەرۋشىلەردىڭ شىعىندارىن سۋبسيديالاۋ قاعيدالارى مەن شارتتارىن بەكىتۋ تۋرالى» قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترىنىڭ 2017 جىلدىڭ 28 تامىزىنداعى № 280 بۇيرىعىنا ساي اتقارىلادى» دەپ مالىمدەدى جۇمىسپەن قامتۋ ورتالىعىندا.
ەرەجەلەرگە ساي, سۋبسيديا مۇگەدەكتەردى جۇمىسقا ورنالاستىرۋ ءۇشىن ارنايى جۇمىس ورىندارىن جابدىقتاۋ (جاراقتاندىرۋ) – مۇگەدەكتەردە ورگانيزمنىڭ بۇزىلعان فۋنكتسيالارىن جانە تىرشىلىك-تىنىسىنىڭ شەكتەلۋىن تولىق نەمەسە ءىشىنارا الماستىراتىن (ورنىن تولتىراتىن) جانە ولاردىڭ ەڭبەك فۋنكتسيالارىن ورىنداۋ مۇمكىندىگىن جاسايتىن نەگىزگى تەحنولوگيالىق قۇرال-جابدىقتى, تەحنولوگيالىق جاراقتاندىرۋدى, قۇرالداردى, قوسالقى جابدىقتى الۋعا ارنالعان.
سۋبسيديا ۋاقىتشا جۇمىس ورىندارىن اشاتىن جۇمىس بەرۋشىلەرگە بەرىلمەيدى. جۇمىس بەرۋشىلەرگە سۋبسيديا مىناداي شارتتار ساقتالعان كەزدە بەرىلەدى:
1) قۇرىلىپ جاتقان ارنايى جۇمىس ورىندارىنىڭ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2016 جىلدىڭ 14 ماۋسىمىنداعى № 519 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 13913 بولىپ تىركەلگەن) بەكىتىلگەن مۇگەدەكتىڭ جۇمىس ورنى ستاندارتتارىنا سايكەس كەلۋى;
2) مۇگەدەكتەردى جۇمىسقا ورنالاستىرۋ جانە ولاردىڭ جۇمىسپەن قامتىلۋىن تۇراقتى جۇمىس ورنى قۇرىلعان ساتتەن باستاپ ساقتاۋ;
3) جۇمىس بەرۋشىنىڭ جالاقى بويىنشا قارىزدارىنىڭ بولماۋى;
4) ەسەپتەلگەن سالىقتار, الىمدار جانە بيۋدجەتكە وزگە دە مىندەتتى تولەمدەر بويىنشا بەرەشەكتىڭ بولماۋى;
5) جۇمىس بەرۋشىنىڭ قۇرىلعان ارنايى جۇمىس ورىندارىندا اتقارىپ وتىرعان لاۋازىمىنا سايكەس مولشەردە جالاقى تولەۋىن قامتاماسىز ەتۋى.
«مۇمكىندىگى شەكتەۋلى جاندارعا ارنالعان ارنايى جۇمىس ورىندارىن اشۋعا دايىن جۇمىس بەرۋشىلەر سۋبسيديا الۋ ءۇشىن اتالمىش قۇجاتتاردى استانا قالاسى اكىمدىگىنىڭ حالىقتى جۇمىسپەن قامتۋ ورتالىعىنا تاپسىرۋى قاجەت» دەلىنگەن ورتالىقتىڭ حابارلاماسىندا.
