ايماقتار • 26 اقپان، 2019

تەمىر جولداعى جونسىزدىكتەر

235 رەتكورسەتىلدى

«كۇلتوبەنىڭ باسىندا كۇندە جيىن» دەمەكشى، ءمانى جوق باسقوسۋلار جەرگىلىكتى جۇك تاسىمالداۋشىلاردى ابدەن ىعىر ەتكەن سەكىلدى.

«قازتەمىرترانس» اق كومپانياسى ديرەكتورىنىڭ ورىنباسارى ابزال سالىقباەۆ جۇك ۆاگوندارىمەن قامتۋ ماسەلەسىنە قاتىستى ەسەبىندە 2018 جىلى سولتۇستىك قازاق­ستان مەن اق­مولا وبلىستارىنان 40830 ۆا­گونعا تيەل­گەن 2 ميلليون 749 مىڭ توننا استىق تاسى­مال­دان­عانىن، 116700 توننا ۇن­دى جەتكىزۋ ءۇشىن 1896 ۆاگون جالعا بەرىلگەنىن شاتتانا ايتىپ، ءسوزىنىڭ اياعىن رەزەرۆتە 14 مىڭنان استام ۆاگون بار دەگەن سەكىلدى كوتەرىڭكى لەپپەن اياق­­تاعانىمەن، كاسىپكەرلەردىڭ اتقارىلعان ىستەردەن گورى تول­عاقتى پروبلەمالاردى شەشۋدىڭ ۇتقىر جولدارىن كۇتكەن ءۇمىتى اقتالمادى. بيىل ەكى وبلىس بو­يىن­شا 700 مىڭ توننا جۇك تاسى­مالدانعانىنا قاراماستان تاۋار وندىرۋشىلەر دەلدال-وپە­راتور «ەۋروترانسگرۋپپ» جشس-نىڭ قىز­­مەتىنە جۇگىنۋگە ءماجبۇر. 

«سەۆەسيلزەرنو» جشس-نىڭ كوممەرتسيالىق ديرەكتورى تاي­سيا كولەگوۆا دەلدالسىز جۇمىس جۇرگىزۋ جايىنان ارىلۋ ماسەلەسىن تاعى دا كوتەردى. «دەلدال-وپەراتورعا تاۋەلدىلىك سالدارىنان ءونىم باعاسى قىمبات، وزىندىك قۇنى جوعارى. مىسالى، ءبىر ۆاگوندى جالداۋ 771 مىڭ تەڭگەنى قۇراسا، استىق جۇك تيەۋشىگە جەتكەنشە 810 مىڭ تەڭگەگە شارىقتاپ كەتەدى. بيۋروكراتتىق كەدەرگىلەر باسەكەلەستىكتى تەجەپ وتىر»، دەدى ول.

ەسكى جانە ىستەن شىققان ۆاگوندار جايى دا الاڭداتادى. ۇن، بيداي تاسىمالىنا پايدا­لا­نى­لاتىن ۆاگونداردىڭ 10 پايى­زىنىڭ توزىعى جەتكەن. 

«ەۋروترانسگرۋپپ» سەرىك­تەس­تى­گىنىڭ وكىلدەرى جۇمعان اۋىزدارىن اش­پاۋلارىنا قاراعاندا جاعدايدىڭ وزگەرمەۋىنە مۇددەلى سەكىلدى. ونى ەكىنشى مارتە وتكەن كەلىسسوز بارىسىندا بايقاتىپ الدى. ديقاندارعا دەلدالدىق قىزمەتتىڭ جاڭارتىلعان، وڭتايلى باعاسىن ۇسىنۋدىڭ ورنىنا جەكە كەلىسەمىز دەگەن شىعارىپ سالما جاۋاپپەن عانا شەكتەلدى. «قازتەمىرترانس» كومپانياسىنا تىكەلەي كەلىسىمشارت جاساۋ مۇم­كىن­­دىكتەرىن قاراستىرۋ بولماسا، وپەراتور تاڭداۋ قۇقى­عىن يەلەنۋ تۋرالى ۇسىنىس ايتىل­عانىمەن باس­شىلىق تاراپىنان تياناقتى جاۋاپ بەرىلمەدى.

تەمىر جولداعى تۇيتكىلدى تۇ­ي­ىن­­دەر قاشان تاراتىلىپ، نۇك­تە قويىلارى بەلگىسىز.

ءومىر ەسقالي،

«Egemen Qazaqstan» 

سولتۇستىك قازاقستان وبلىسى

سوڭعى جاڭالىقتار

ۇقساس جاڭالىقتار