اسەل دۇيسەنباەۆا 1984 جىلى 13 قاڭتاردا اتىراۋ وبلىسىندا تۋعان.
وسىدان 19 جىل بۇرىن اسەلدىڭ وتباسىمەن بايلانىسى ۇزىلگەن بولاتىن. 2000 جىلى 7 cاۋىردە دوستاسىپ جۇرگەن تاجىكستاندىق ازاماتپەن ساراتوۆ-دۋشانبە باعىتىنداعى پويىزبەن اتىراۋدان تاجىكستانعا كەتكەن. قولىندا تۋ تۋرالى كۋالىگى عانا بولعان, كەيىن ونى جوعالتىپ الىپتى.
دۋشانبە قالاسىنىڭ ۆوكزالىنا كەلگەننەن كەيىن تاجىكستاندىق الگى ازامات اسەلدى الداپ, تاستاپ كەتكەن. ۆوكزالدا جۇرگەن كەزىندە جەرگىلىكتى ءبىر ايەلمەن تانىسىپ, سونىڭ ۇيىندە 10 جىل تۇرعان.
سودان كەيىن, 2011 جىلى ءبىر تاجىكستاندىق ازاماتپەن ازاماتتىق نەكەدە تۇرىپ, 2013 جىلى اجىراسىپ كەتكەن, بالالارى بولماعان. وسى كەزگە دەيىن دۋشانبە قالاسىنداعى ءدامحانادا داياشى بولىپ جۇمىس ىستەگەن.
اسەل بيىل قاڭتاردا دۋشانبە قالاسىنا كەلگەن ءبىر قازاقستان ازاماتىمەن تانىسىپ, وعان ءوز سۋرەتىن جانە جەكە دەرەكتەرىن بەرگەن ەكەن. ول ازامات WhatsApp جەلىسى ارقىلى اسەل تۋرالى اقپاراتتى تاراتىپ, ناتيجەسىندە اسەلدى اناسى مۇستاقيما دۇيسەنباەۆا تانىپ, قازاقستاننىڭ تاجىكستانداعى ەلشىلىگىنە وتىنىشپەن شىعىپتى.
ونىڭ ۇستىنە اسەل تۋرالى بىلگەن اتىراۋلىق دەپۋتات قازاقستان سىرتقى ىستەر ءمينيسترى بەيبىت اتامقۇلوۆقا اسەلدى تابۋعا قولداۋ كورسەتۋ بويىنشا ءوتىنىش جاسايدى. ءوز كەزەگىندە ب.اتامقۇلوۆ ەلىمىزدىڭ دۋشانبەدەگى ەلشىسىنە تەلەفون شالىپ, اسەلدى ىزدەستىرۋگە تاپسىرما بەرەدى.
ەلشىلىك ونى تابۋ ءۇشىن تاجىكستاننىڭ قۇزىرلى ورگاندارىنا ساۋال جىبەرگەن بولاتىن. قازاقستاندىق ديپلوماتتار جانە تاجىكستان ىشكى ىستەر مينيسترلىگىنىڭ قىلمىستىق-ىزدەستىرۋ باسقارماسىنىڭ كۇشتەرىمەن ءۇيسىز-كۇيسىزدەردى قابىلدايتىن ورىندار, سونداي-اق تىركەۋدە تۇرعان نەمەسە قۇجاتسىز جۇرگەن ادامدار اراسىندا ىزدەستىرۋ جۇمىستارى جۇرگىزىلگەن. وعان قوسا, ەلدەگى ءتۇرلى ءدامحانالار, مەيرامحانالار, تۇنگى كلۋبتار تەكسەرىلگەن.
دەگەنمەن, ىزدەستىرۋ جۇمىستارى ناتيجە بەرگەن جوق. قولدارىندا تەك قانا فوتوسى بار جانە ەسىمىن بىلەتىن ديپلوماتتار ءۇشىن اسەلدى بىرنەشە ءجۇز مىڭ xالقى بار دۋشانبەدەن تابۋ راسىندا وڭاي ەمەس ەدى.
اسەل جانە ونى تابامىز دەپ ارەكەت جاساعان ەلشىلىك قىزمەتكەرلەرى ءۇشىن تاعدىرشەشتى كۇن بيىلعى 19 اقپان بولدى. سول كۇنى ەلشىلىكتىڭ كونسۋلى ا.بەكبوسىنوۆقا اسەلگە ۇقسايتىن ادام بار دەپ دۋشانبە قالاسىنىڭ پوليتسيا قىزمەتكەرى تەلەفون سوعىپ, كەلىپ كەتۋلەرىن وتىنەدى. ا.بەكبوسىنوۆ سول جەرگە دەرەۋ بارعانىمەن, ول اسەل بولماي شىعادى.
اسەلدى تابامىز دەگەن ۇمىتى ۇزىلگەن ا.بەكبوسىنوۆ ءوزىنىڭ جۇمىسقا قايتىپ بارا جاتىپ, جولدىڭ شەتىندە تۇرعان اسەلگە ۇقسايتىن ايەلدى بايقايدى. دەرەۋ توقتاپ, قاسىنا بارىپ, قازاقشا ء«سىزدىڭ ەسىمىڭىز اسەل ەمەس پە؟» - دەپ سۇرايدى. اسەل بۇل سۇراقتى قازاقشا تۇسىنبەي, وعان تاجىكشە سويلەي باستادى. ا.بەكبوسىنوۆ ءوزىنىڭ سۇراعىن ورىسشا قايتالاعاننان كەيىن عانا اسەل ەسەڭگىرەپ, ء«يا, ەسىمىم - اسەل» دەپ جاۋاپ بەرەدى.
كونسۋل اسەلگە تۋىستارى ىزدەپ جۇرگەنى تۋرالى ايتىپ, تەلەفونىنداعى اناسىنىڭ ۆيدەوسىن كورسەتەدى. الگى جەردە جاس قىز ەسەنگىرەپ, وتىرا قالىپ جارتى ساعاتتاي وكىرىپ جىلايدى. قۋانىشى قوينىنا سىيماعان ولار بىردەن ەلشىلىككە كەلەدى.
اسەلدىڭ قولىندا ەشقانداي قۇجاتى بولماعاندىقتان, كونسۋل اتىراۋ قالالىق احاج بولىمىنەن تۋ تۋرالى اكتىلىك جازبانىڭ كوشىرمەسىن شۇعىل تۇردە سۇراتادى. سول كوشىرمەنىڭ نەگىزىندە قازاقستانعا قايتىپ ورالۋعا ارنالعان كۋالىك راسىمدەلەدى.
ەلشىلىك قىزمەتكەرلەرىنىڭ كورسەتكەن قارجىلاي كومەگىمەن 22 اقپاندا دۋشانبە-الماتى-اتىراۋ باعىتى بويىنشا اۋەبيلەت ساتىپ الىنىپ, ناتيجەسىندە, اسەل اتىراۋ قالاسىنا امان-ەسەن جەتىپ, اناسىمەن جانە تۋىستارىمەن 19 جىلدان سوڭ قايتا قوسىلدى.
وسىلايشا, مەيىرىمدى ادامدار مەن مينيسترلىك جانە قازاقستاننىڭ دۋشانبەدەگى قىزمەتكەرلەرىنىڭ ارقاسىندا 19 جىل جات جۇرتتا جۇرگەن وتانداسىمىز ەلىمىزگە ورالدى.
