«2018 جىلى وبلىس بويىنشا تۇرعىن ءۇي سەكتورىندا 475 ءورت تىركەلسە, سونىڭ 75-ءى كوپ قاباتتى ۇيلەردە ورىن العان. نەگىزگى سەبەپتەرى – وتتى ابايسىز پايدالانۋ جانە قىسقا تۇيىقتالۋ. 2019 جىلى قاڭتار ايىندا تۇرعىن ءۇي سەكتورىندا 17 ءورت ورىن الدى, ونىڭ بىرەۋى كوپ قاباتتى ۇيدە»,- دەپ جەتكىزدى توتەنشە جاعدايلار دەپارتامەنتىنىڭ باسشىسى باۋىرجان سىزدىقوۆ.
تەكسەرىستەر اقتوبە قالاسىنداعى كوپ قاباتتى ۇيلەردە ءورت قاۋىپسىزدىگىن قامتاماسىز ەتۋدە بىرقاتار پروبلەمالاردىڭ بارىن كورسەتىپ وتىر.
وبلىس اكىمى تەك كوپ قاباتتى ۇيلەردەگى عانا ەمەس, باسقا دا بارلىق تۇرعىن ءۇي نىساندارىنداعى, ادامدار كوپ جينالاتىن جەرلەردەگى ءورت قاۋىپتىلىگىن تومەندەتۋ ءۇشىن تۇبەگەيلى شارالاردى قابىلداۋدى تاپسىردى. سونىڭ ىشىندەتۇرمىستىق گازدىڭ جارىلۋىن بولدىرماۋ ءۇشىن تۇرعىن ۇيلەر مەن پاتەرلەردە گازواناليزاتور قوندىرعىسىن قوندىرۋ جۇمىستارىن جانداندىرۋ مۇمكىندىگىن زەرتتەۋدى تاپسىرىلدى.
ايتا كەتۋ كەرەك, ءورت قاۋىپسىزدىگىن كۇشەيتۋ ماقساتىندا وڭىردە 2017 جىلدان بەرى 72 ەلدى مەكەننىڭ قورعالۋىن قامتاماسىز ەتەىن 11 ءورت بەكەتى قۇرىلدى. بيىلعا حرومتاۋ اۋدانىنىڭ اقجار, شالقار اۋدانىنىڭ شىلىكتى, مۇعالجار اۋدانىنىڭ قۇمساي مەن مۇعالجار, ايتەكە بي اۋدانىنىڭ ايكە جانە مارتوك اۋدانىنىڭ رودنيكوۆكا اۋىلدارىندا تاعى التى بەكەت قۇرۋ جوسپارلانعان.
ورتاشا العاندا ءورت بەكەتىن قۇرۋعا ءورت اۆتوكولىگىن ەسەپتەگەندە 21 ملن تەڭگە كەرەك. ءوڭىر باسشىسى جوعارىدا اتالعان اۋدانداردىڭ اكىمدەرىنە اقشالاي قاراجاتتىڭ ۋاقىتىندا ءبولىنۋىن قامتاماسىز ەتۋدى تاپسىردى.
بۇدان وزگە, وتىرىس كەزىندە سۋداعى قاۋىپسىزدىك ەرەجەلەرى تالاپتارىنىڭ ساقتالۋىن باقىلاۋ ماسەلەسى قارالدى. وسى جىلى جاعاجايلارداعى بارلىق قاۋىپسىزدىك نورمالارىنىڭ ساقتالۋى قاتاڭ باقىلاۋدا. 20 مامىر, سۋعا شومىلۋ ماۋسىمى باستالعانعا دەيىن بارلىق جاعاجايلار مۇقيات تەكسەرىلىپ, ەرەجەنى قاساقانا بۇزعاندار قىزمەتىن جۇزەگە اسىرۋ قۇقىعىنان ايرىلادى. جاعاجايلار شومىلۋ ماۋسىمى بويىنا قوعامدىق باقىلاۋدا بولماق. سول ءۇشىن قوعام بەلسەندىلەرى, بلوگەرلەر مەن باق وكىلدەرى قاتارىنان ارنايى توپتار قۇرىلۋدا. سونداي-اق, وبلىستىڭ بارلىق ەلدى مەكەندەرىندە بىلتىر باستالعان كوممۋنالدى (تەگىن) جاعاجايلار اشۋ جۇمىسى جالعاساتىن بولادى.
«جاعاجايلاردى شومىلۋ ماۋسىمىنا كۇنى بۇرىن دايىنداۋ جانە جابدىقتاۋ – ادامداردىڭ قاۋىپسىزدىگىن قامتاماسىز ەتۋدىڭ ماڭىزدى بولىگى. بۇل سۇراققا جاۋاپكەرشىلىكپەن قاراۋلارىڭىزدى سۇرايمىن, اسىرەسە جەكەمەنشىك جاعاجايلاردىڭ باسشىلارى. ماتەريالدىق-تەحنيكالىق بازانى نىعايتىڭىزدار. سىزدەردىڭ تابىستارىڭىز الدىمەن, دەمالۋشىلاردىڭ قاۋىپسىزدىگىن قامتاماسىز ەتۋگە كەتۋى ءتيىس.ء بىز وتكەن جازدا وىرن العان وقيعالاردىڭ قايتالانباۋى ۇشىن بارلىق قاجەتتى شارالاردى قولدانۋعا ءتيىسپىز», - دەدى وبلىس اكىمى.
سونىمەن بىرگە, وبلىس اكىمى قۇتقارۋشىلاردى دايارلاۋ جۇمىسىن كۇشەيتۋدى, مەكتەپ جاسىنداعى بالالاردى جۇزۋگە جانە سۋداعى قاۋىپسىزدىك شارالارىنا كەڭ اۋقىمدى ۇيرەتۋدى كەڭىنەن ۇيىمداستىرۋدى تاپسىردى.
