اتاپ ايتقاندا, ءوڭىر باسشىسى بولاشاق اۋدانىندا تۇرعىزىلىپ جاتقان جاڭا ءىت-ورتالىقتىڭ جۇزەگە اسىرىلۋىمەن تانىستى. نىساننىڭ قۇرىلىسى بىلتىر قازان ايىندا باستالعان. جالپى الاڭى شامامەن 6,9 مىڭ شارشى مەتر. قازىرگى كەزەڭدە جەرتولەنىڭ قۇرىلىسى اياقتالىپ قالدى. جۇمىس ەكى اۋىسىمدا جۇرگىزىلەدى, شامامەن 35 ادام ەڭبەك ەتىپ جاتىر. نىساندى وسى جىلدىڭ قازان ايىندا پايدالانۋعا بەرۋ جوسپارلانىپ وتىر.
سونداي-اق, اقتوبەدە جەڭىلاتلەتيكالىق مانەجدى تۇرعىزۋ جۇمىسى جالعاسۋدا. كەشەن جوبالاۋشىلاردىڭ ويلاستىرۋى بويىنشا تولىققاندى جارىستار مەن كۇندەلىكتى جاتتىعۋلار وتكىزۋگە مۇمكىندىك بەرەتىن كەڭىستىكتىك كولەمدى قامتيدى. نىسان الدىڭعى قاتارلى حالىقارالىق ستاندارتتارعا ساي بولماق. ونى وسى جىلدىڭ اياعىنا قاراي پايدالانۋعا بەرىلەدى دەپ جوسپارلانىپ وتىر. نىساندى قاراپ شىققان بەردىبەك ساپارباەۆ قۇرىلىس قارقىنىنىڭ باياۋلىعىنا قاتىستى ەسكەرتۋ جاساپ, جوبا قۇنىن تومەندەتۋ جاعىن قايتا قاراۋدى تاپسىردى. بۇدان باسقا, وبلىس باسشىسى ق.جۇبانوۆ اتىنداعى ءاومۋ-دە بولدى. وندا ۋنيۆەرسيتەتتىڭ تاريح فاكۋلتەتىنە اتاقتى تاريحشى, شالقار اۋدانىنىڭ تۋماسى بەكەجان سۇلەيمەنوۆتىڭ ەسىمى بەرىلدى. شاراعا عالىمدار, قوعام مەن ەتنومəدەني بىرلەستىكتەردىڭ وكىلدەرى قاتىستى.
"جاس ۇرپاقتىڭ ۇلى قايراتكەرلەردى ەستە ساقتاعاندارى ماڭىزدى. جاستاردىڭ تاريحي عىلىمعا, ءبىزدىڭ تاريحي جەتىستىگىمىزدى ساقتاۋعا ۇلەس قوسقان ادامداردى بىلگەنى ماڭىزدى. ەل پرەزيدەنتى ايتقان دامۋ قاجەتتىلىگى تۋرالى رۋحاني ارناۋ دەگەن وسى",- دەپ اتاپ ءوتتى ءوڭىر باسشىسى.
بۇعان قوسا, ۋنيۆەرسيتەتتە اۋعان سوعىسىنىڭ ارداگەر جاۋىنگەرلەردىڭ قۇرمەتىنە وقۋ اۋديتورياسى اشىلدى. 1989 جىلى 15 اقپاندا, وسىدان وتىز جىل بۇرىن كەڭەس əسكەرلەرى اۋعانستاننان شىعارىلعان. Əسكەري قيمىلدارعا قاتىسقان 1 500-نان استام وفيتسەر مەن سولدات - ءبىزدىڭ وبلىستىڭ تۋمالارى. جۇزدەن اسا اقتوبەلىك اۋعان جاۋىنگەرلەرى ەرلىگى مەن ەرجۇرەكتىلىگى ءۇشىن جاۋىنگەرلىك ماداقتامالارمەن ماراپاتتالدى. ب.ساپارباەۆ اتاپ وتكەندەي, بۇگىندە جەرگىلىكتى اتقارۋشى ورگاندار تاراپىنان ارداگەرلەردىڭ ءومىرىن جاقسارتۋ ءۇشىن از دۇنيە جاسالىپ جاتقان جوق. مىسالى, پəتەر ءبولۋ, مەديتسينالىق قىزمەتتەر مەن ءدəرى-دəرمەكتەر بەرىلۋدە. اۋعان مۇگەدەكتەرى مەن قازا بولعانداردىڭ وتباستارىنا كوپ كوڭىل بولىنۋدە.
