ەلدىڭ الەۋمەتتىك-ەكونوميكالىق دامۋىنىڭ وزەكتى ماسەلەلەرىن شەشۋ جانە قازاقستاندىقتاردىڭ ءال-اۋقاتىن ودان ءارى ارتتىرۋ جونىندەگى مىندەتتەر ۇدەسىنەن شىعۋ ءۇشىن وبلىستا بىرقاتار ماڭىزدى شارۋالار اتقارىلۋدا. ول جايىندا وبلىس اكىمىنىڭ «اقمولا وبلىسىنىڭ 2018 جىلعى الەۋمەتتىك-ەكونوميكالىق دامۋ قورىتىندىلارى جانە 2019 جىلعا ارنالعان نەگىزگى مىندەتتەر تۋرالى» ەسەبىندە تولىق قامتىدى. بايانداماشى ءوز سوزىندە وبلىس ەكونوميكاسىنىڭ ۇدەمەلى دامۋى, ەلباسىمىز قويعان بارلىق مىندەتتەردى تابىستى ىسكە اسىرۋ ءۇشىن جەتكىلىكتى نەگىز قۇرىلعاندىعىن ەكپىن تۇسىرە ايتىپ ءوتتى. 2018 جىلدىڭ قورىتىندىسى بويىنشا بارلىق نەگىزگى باعىتتاردا وڭ ناتيجەلەرگە قول جەتكىزىلىپتى. ەكونوميكانىڭ بەس بازالىق سالاسىنىڭ ءوندىرىس كولەمىنىڭ ءوسۋى ەسەبىنەن قىسقا مەرزىمدى ەكونوميكالىق ينديكاتور 105 پروتسەنتتى قۇراعان. 478 مىڭ شارشى مەتر تۇرعىن ءۇيدى پايدالانۋعا بەرۋ, 4700-دەن استام وتباسىنا تۇرعىن ءۇي جاعدايىن جاقسارتۋعا مۇمكىندىك بەرىلگەن. ورتاشا ايلىق جالاقى 9,4 پروتسەنتكە ءوسىپ, 120523 تەڭگەنى قۇرادى. 12,7 مىڭ جاڭا جۇمىس ورنى اشىلعان.
شاعىن جانە ورتا بيزنەستى دامىتۋ – كەز-كەلگەن ەل ەكونوميكاسىنىڭ نەگىزى. جىل سايىن مەملەكەت بيزنەس جۇرگىزۋ ءۇشىن جاعدايدى جاقسارتىپ, جوبالاردى قارجىلاندىرۋ كولەمىن ۇلعايتۋدا. 2018 جىلدىڭ قورىتىندىلارى بويىنشا شاعىن جانە ورتا كاسىپكەرلىك سالاسىندا 132,7 مىڭ ادام نەمەسە وبلىستىڭ ەكونوميكالىق بەلسەندى حالقىنىڭ 31 پايىزى جۇمىسپەن قامتىلعان. (2017 جىلعا قاراعاندا 6 پروتسەنتكە ءوستى). 6614 جاڭا جۇمىس ورنى اشىلدى. وبلىس بيۋدجەتىنە شاعىن جانە ورتا كاسىپكەرلىك سۋبەكتىلەرىنەن 2017 جىلعا قاراعاندا 3,8 پروتسەنت وسىممەن 37,1 ميلليارد تەڭگە ءتۇستى. جالپى ءوڭىر ءونىمىنىڭ ۇلەسى 27 پروتسەنتتى قۇراپ وتىر. «بيزنەستىڭ جول كارتاسى» باعدارلاما اياسىندا 2018 جىلى 3,4 ميلليارد تەڭگە ءبولىندى, 353 جوبا قولداۋ تاپتى. 479,4 ميلليون تەڭگە سالىق تولەندى, 797 جۇمىس ورنى اشىلدى. شاعىن بيزنەستى دامىتۋ ءۇشىن كاسىبىن جاڭادان باستاعان كاسىپكەرلەرگە ءوز ءىسىن اشۋىنا قايتارىمسىز ءۇش ميلليون تەڭگەگە دەيىن الۋعا مۇمكىندىك بەرەتىن گرانتتىق قارجىلاندىرۋ ماڭىزدى قۇرال بولىپ تابىلادى. 18 كاسىپكەرگە 40 ميلليون تەڭگە قارجى ءبولىندى. ەكىنشى دەڭگەيدەگى بانكتەر شاعىن جانە ورتا كاسىپكەرلىك سۋبەكتىلەرىنە 67,8 ميلليارد تەڭگە كولەمىندە نەسيە بەردى.
2018 جىلى 478 مىڭ شارشى مەتر تۇرعىن ءۇي پايدالانۋعا بەرىلدى. وبلىس بويىنشا بارلىعى 4707 وتباسى تۇرعىن ءۇي جاعدايىن جاقسارتتى. 2018 جىلى تۇرعىن ءۇي قۇرىلىسىنا 8,1 ميلليارد تەڭگە تارتىلدى, ونىڭ ىشىندە رەسپۋبليكالىق بيۋدجەتتەن – 4,4 ميلليارد تەڭگە, وبلىستىق بيۋدجەتتەن – 2,4 ميلليارد تەڭگە.
جەكە تۇرعىن ءۇيدى پايدالانۋعا بەرۋ قارقىنى 108 پايىزدى قۇرادى. 270 مىڭ شارشى مەتر تۇرعىن ءۇي پايدالانۋعا بەرىلدى. ءار وتباسىنا تۇرعىن ءۇي ساتىپ الۋعا وتكەن جىلى جالپى كولەمى 1,8 ميلليارد تەڭگەنى قۇرايتىن 213 ءوتىنىم ماقۇلداندى.
بايانداماشى ءوز سوزىندە سىرتقى ەكونوميكالىق قىزمەت, اۋماقتىق دامۋ, جۇمىسپەن قامتۋ جانە الەۋمەتتىك قورعاۋ, مادەنيەت جانە سپورت, جاستار جانە ىشكى ساياسات تاقىرىپتارىندا قول جەتكەن تابىستاردى سارالادى. الداعى مىندەتتەرگە توقتالدى. بيىل باياندى بولعان ءىس كەلەر جىلى جالعاسىن تاپپاق. كەزدەسۋگە جينالعان جۇرتشىلىق تاراپىنان جول قاتىناسى, تۇرعىن ءۇي ماسەلەسى, اۋىز سۋمەن قامتۋ ءتارىزدى وزەكتى ماسەلەلەرگە قاتىستى سۇراقتار قويىلدى.
بايقال ءبايادىل,
«Egemen Qazaqstan»
اقمولا وبلىسى
