قازاقستان • 19 اقپان، 2019

ىشكى ىستەر ءمينيسترى ە. تۇرعىمباەۆ باتىر بالامەن كەزدەستى

377 رەتكورسەتىلدى

ىشكى ىستەر ءمينيسترى ەرلان تۇرعىمباەۆ ءوز ومىرىنە قاۋىپتى بولعانىنا قاراماستان تەرەڭدىگى ەكى مەتردەن اساتىن قۇدىقتان بەس جاستاعى بالانى قۇتقارىپ العان 10 سىنىپ وقۋشىسى نادير ومارعازيەۆپەن كەزدەستى دەپ ءحابارلايدى ىىم ءباسپاسوز قىزمەتى.

بەس جاسار بالا استانا قالاسىندا اناسىمەن كوشەدە كەلە جاتقاندا قۇدىققا ءتۇسىپ كەتكەن. وسى كەزدە نادير دوسىمەن بىرگە كوللەدجدەن كەلە جاتقان بولاتىن. جىلاپ جاتقان ەكى ايەلدى كورىپ، ولارعا كەلىپ، نە بولعانىن ءبىلدى. سودان سوڭ ول بىردەن شەشىم قابىلداپ، قۇدىققا تۇسۋگە ۇمتىلدى، ونىڭ ىشىنە قۇلاپ كەتۋى دە مۇمكىن ەدى.

ەرلان تۇرعىمباەۆ توتەنشە جاعدايلار جونىندەگى كوميتەتتىڭ جەكە قۇرامىنىڭ قاتىسقان جيىندا مەكتەپ وقۋشىسىن كورسەتكەن قىراعىلىعى، باتىرلىعى جانە قايسارلىعى ءۇشىن العىسىن ءبىلدىردى، ونىڭ جەدەل دە باتىل ءىس-قيمىلىنىڭ ارقاسىندا بالا ءومىرى اجالدان قۇتقارىلدى.

وسىنداي بالالاردىڭ ەرلىك ارەكەتتەرى مەن وزگەگە دەگەن جاناشىرلىق سەزىمى قۇرمەتتەۋگە تۇرارلىق. بىرەۋدىڭ ومىرىنە اراشا تۇرۋ ءۇشىن كەز كەلگەن ادام تاۋەكەلگە بارا المايدى دەپ اتاپ ءوتتى مينيستر. بۇدان سوڭ مەكتەپ وقۋشىسىنا «توتەنشە جاعدايداعى ەرلىگى ءۇشىن» ءتوس بەلگىسىن تاعىپ، سمارتفون سىيلادى.

سونىمەن قاتار ە. تۇرعىمباەۆ نادير ومارعازيەۆكە تاربيە بەرگەن اتا-اناسىنا، ۇستازدارى مەن تالىمگەرلەرىنە العىس ءبىلدىردى. ول باتىل بالا تاربيەلەپ وسىرگەنى ءۇشىن اتا-اناسىن العىس حاتپەن ماراپاتتاپ، قازاقستاندا وسىنداي ەر جۇرەك بالالار كوپ بولسا، ەلىمىزدىڭ بولاشاعىنا اعا ۇرپاقتىڭ الاڭداماۋىنا بولاتىنىن اتاپ ءوتتى.

ءسوز سوڭىندا ىشكى ىستەر ءمينيسترى ءناديردىڭ بولاشاقتا قۇتقارۋ ماماندىعىن تاڭدايتىنىنا سەنىمدى ەكەندىگىن ءبىلدىردى، ويتكەنى قايسارلىق پەن كومەككە دايىن بولۋ ءورت ءسوندىرۋشى مەن قۇتقارۋشىنىڭ ەڭ باستى قاسيەتتەرىنىڭ ءبىرى. سونىمەن قاتار ىشكى ىستەر ءمينيسترى باتىر بالانى ءىىم-ءنىڭ جوعارى وقۋ ورىندارىنا وقۋعا شاقىردى.

سوڭعى جاڭالىقتار

شىمكەنتتە العىس ايتۋ كۇنى اتالىپ ءوتتى

وڭتۇستىك قازاقستان • بۇگىن، 15:44

ورالدا كوروناۆيرۋس بار ما؟

قوعام • بۇگىن، 15:36

كوشپەلى كورمەمەن تانىستى

اباي • بۇگىن، 12:57

اباي – ۇلتتىڭ ۇستازى

اباي • بۇگىن، 12:44

اۋىر سىناق، قيىن سۇراق

ايماقتار • بۇگىن، 12:15

بەيبىت جيىن قانداي بولۋى كەرەك؟

ايماقتار • بۇگىن، 11:28

تۇركىستان وبلىسىندا سۋ تاسقىنى قاۋپى جوق

وڭتۇستىك قازاقستان • بۇگىن، 11:20

تۋعان ءتىل – تاتۋلىق تىرەگى

قازاقستان • بۇگىن، 10:32

ۇقساس جاڭالىقتار