«64,7 مىڭ سالىمشىنىڭ 195,9 ملرد. تەڭگە جيناعى بار. وتكەن جىلى بانك 360 ملرد. تەڭگەنىڭ 38,3 مىڭ زايمىن بەردى. بۇل 2017 جىلدىڭ دەڭگەيىنەن 48%-كە ارتىق ( 2017 جىلى 243 ملرد. تەڭگەنىڭ 28,7 مىڭ زايمى بەرىلدى). جالپى, تۇرعىن ءۇي قۇرىلىس جيناق جۇيەسى باسپانا الۋدىڭ ەڭ ءتيىمدى ينسترۋمەنتتەرىنىڭ ءبىرى», - دەپ اتاپ ءوتتى مينيستر.
ونىڭ ايتۋىنشا, «نۇرلى جەر» مەملەكەتتىك باعدارلاماسى اياسىندا تۇرعىن ءۇي قۇرىلىس جيناق بانكىنىڭ قاتىسۋشىلارىن نەسيەلەۋ ءۇشىن 5 جىلدا (2017-2021 جج.) 120 ملرد. تەڭگە ءبولۋ قاراستىرىلدى. «2019-2021 جىلدارعا ارنالعان رەسپۋبليكالىق بيۋدجەت تۋرالى» زاڭ اياسىندا 2019 جىلعا 28 ملرد. تەڭگە ءبولۋ قولداۋ تاپتى. بيۋدجەتتىك كرەديت تۇرعىن ءۇي قۇرىلىس جيناق بانكىنە جىلدىق 0,15%-پەن 20 جىلعا بەرىلەدى.
«سالىمشىلارعا بەرىلەتىن زايمدار باستاپقى جارناسى 20%-كە دەيىن بولعان جاعدايدا 25 جىلعا 5%-پەن بەرىلەدى. مىسالى, قۇنى 8,4 ملن. تەڭگە بولاتىن پاتەردىڭ (60 شارشى مەتر ەكى بولمەلى پاتەر) اي سايىنعى تولەمى 60 مىڭ تەڭگەنى قۇرايتىن بولادى. بولىنگەن قارجى 3111 سالىمشىنىڭ قولجەتىمدى زايم الۋلارىنا مۇمكىندىك بەرەدى», - دەپ حابارلادى مينيستر جەڭىس قاسىمبەك.
بۇل قارجى الداعى 15 جىلدا 3 رەت اينالىمدا بولادى, ياعني تاعى 6 مىڭ سالىمشىعا زايم بەرىلەدى. بۇگىنگى كۇنى تۇرعىن ءۇي قۇرىلىس جيناق بانكى العان 69 ملرد. تەڭگەنىڭ ەسەبىنەن 74,5 ملرد. تەڭگەنى قۇرايتىن 9 057 زايم بەرىلدى.
