19 اقپان، 2019

جاڭا جوبالاردىڭ تۇساۋىن كەستى

256 رەتكورسەتىلدى

الماتىدا دوستىق ۇيىندە «قازاقستاننىڭ 100 جاڭا ەسىمى» جوباسى جەڭىمپازدارى «مەنىڭ جەتىستىگىمنىڭ تاريحى – ەلىمنىڭ جەتىستىگىنىڭ تاريحى» دەگەن تاقىرىپتى قالا جاستارىمەن بىرگە وتىرىپ تالقىلادى. 

ەلىمىزدىڭ باس قالالارىن­دا  كوشەلەردە ىلىنگەن ولار­دىڭ فوتوسۋرەتتەرى مەن ەلدىك­تى، بىرلىكتى، ەڭبەكتى، ادالدىقتى تۋ ەتكەن جارقىن ىستەرى، پارا­ساتتى پىكىرلەرى ءاربىر قازاق­ستان­دىققا وي سالىپ، پات­ريوت­تىققا شاقىردى، ۇزدىك بولىپ شىعۋعا ۇمتىلدىردى. 

«بۇل ادال ەڭبەكتىڭ قۇن­­دى­لىعىن ارتتىردى. سە­بە­بى قۇلدىق سانادان ازات بول­عا­نى­مەن، قۇلقىننىڭ قۇل­دى­­عى­­نان قۇتىلا الماي، الەم ور­كە­نيەتىنىڭ كوشى­نە ىلەس­كەنى­مەن، رۋحاني باي­لىق­تان اجى­راپ قالا جازداعان جاڭارۋ مەن جاڭعىرۋ­دىڭ، ۇلتتىق قۇندى­لىق­­تارعا قايتا ورالىپ، رۋ­حاني جاڭعىرۋدىڭ شىن ما­دە­نيەتىن ۇعىنعانداي بولدى. مۇ­نىڭ ءبىزدىڭ مەملە­كە­تىمىز ءۇشىن دەر كەزىندە قابىل­دان­عا­نىن ەندى ءتۇيسىنىپ جاتىرمىز»، دەدى قازاقستان حالقى اس­سام­بلەياسى توراعاسىنىڭ ورىن­باسارى لەونيد پروكو­پەنكو. 

ونىڭ پايىمداۋىن­شا، جوبا­نىڭ ءاربىر جەڭىمپازى­نىڭ تاريحى قۇددى ءبىر كور­كەم شىعارما نەمەسە ءفيلم­نىڭ دايىن ستسەناريى ءتارىزدى. ولاردىڭ ارقايسىسىنىڭ قا­لىپتاسۋى مەن قول جەتكىزگەن تابىستارى – تاۋەلسىز قازاق­ستان تاريحىنىڭ جەتىستىگى. وسى جىل­دار ىشىندە ولار وز­دەرى­­­نىڭ ماڭداي تەرىمەن جانە بوي­­­­لارىنا بىتكەن دارىنى­مەن بولا­شاققا داڭعىل جول سالدى. 

قازاقستان حالقى اسسام­بلەياسى توراعاسىنىڭ ورىن­باسارى – پرەزيدەنت اكىم­شى­لىگى قحا حاتشىلى­عى­نىڭ مەڭگەرۋشىسى لەونيد پرو­كوپەنكو تۇتاس حالىق قالاعانىنا قول جەتكىزۋى ءۇشىن دە بى­رەۋمەن يىق تەڭەستىرۋگە ۇمتى­لا ءبىلۋى كەرەك ەكەنىن تىلگە تيەك ەتىپ ءوتتى. قازاقستان حال­قى اسسامبلەياسى توراعا­سىنىڭ ورىنباسارى العاشقى كە­زەڭىندە 102 ادامدى العا شىعارىپ، تالاي تالانتتى تا­نىت­قان جوبا بيىل دا ەلىمىز بو­يىنشا تۇلعالىق سيپاتقا يە ادامداردى ىزدەۋ الداعى ۋاقىتتا دا جالعاسا بەرەتىنىن ايتتى. 

لەونيد پروكوپەن­كو­نىڭ ايتۋىنشا، جاس عا­لىم­دار عىلىمي زەرتتەۋلەرىن جۇر­گىزۋگە ارنالعان گرانتتاردى ەكى ەسە كوپ الاتىن بولادى. 
«جاستار جىلىنىڭ اشى­لۋىن­دا پرەزيدەنت قازاق­ستان­دا جا­ڭا تەحنولوگيالار­عا، جاڭا كا­سىپكە نەگىزدەلگەن 1200 جا­ڭا كاسىپورىننىڭ قۇرىل­عان­دىعىن اتاپ ءوتتى. مۇنىڭ بار­­لىعى دا جاستار ءۇشىن جاسا­لۋ­دا. سىزدەر سول كاسىپ­­ورىن­دا جۇ­مىس ىستەپ، قازاق­­ستان­نىڭ جاڭا يندۋس­تريا­سىن ىلگەرى­لە­تە­تىن بولاسىزدار»، دەدى ول.

«قازاقستاننىڭ 100 جاڭا ەسىمى» جوباسى جەڭىمپازدارى ءبىرى – قر دسم پەدياتريا جا­نە بالالار حيرۋرگياسى عى­لىمي ورتالىعىنىڭ كارديو­حي­رۋرگيا جانە ينتەرۆەن­تسيا­لىق كارديولوگيا كافەدرا­سىنىڭ مەڭگەرۋشىسى، بيىل­عى جەڭىمپاز گۇلجان سارسەن­باەۆا. گۇلجان مەكتەپ قابىر­عاسىندا س.بەلياەۆتىڭ «گولوۆا پروفەسسورا دوۋليا» جانە ل.تولستويدىڭ «گيپەربولويد ين­جەنەرا گارينا» اتتى كى­تاپتارىن وقۋى دارىگەر مامان­دىعىن تاڭداۋىنا سەبەپ بول­عانىن ايتتى. 

«ماعان سول كىتاپتاردا جا­ز­ىلعان تەحنولوگيالار قى­زىقتى بولاتىن. مەن سول كەز­دە قيال-عاجايىپ ساناعان تەح­نولوگيالار قازىرگى ۋاقىت­تا ەنگىزىلىپ جاتىر. قازىرگى ۋا­قىتتا مەن جاساندى قان اينا­لىمى ارقىلى بالالاردىڭ جۇرەگىنە وتا جاساپ ءجۇرمىن. «گيپەربولويدتا» سۋرەتتەلگەن ساۋلە قازىرگى مەديتسينادا قول­دانىلىپ جۇرگەن لازەرگە ۇق­سايدى»، دەدى ول.

كەزدەسۋ بارىسىندا «جاڭ­عىرۋ جولى» رەسپۋبليكا­لىق جاس­تار قوزعالىسىنىڭ بەلسەن­دىلەرى «Jastar jyly – danǵyl jol!» جوبا­سى­نىڭ اشى­لۋىن حابارلا­­دى. جوبا­نىڭ باستى ماقساتى − قازاق­ستاندىق جاستاردىڭ با­سە­كەگە قابىلەتتىلىگىن ارت­تىرۋ­عا باعىتتالعان الەۋمەت­تىك جوبا­لار مەن الەۋمەت­تىك ليف­تى­لەر پلاتفورماسىن ىس­كە اسىرۋ ءۇشىن جاعداي جاساۋ. وسىنىڭ شەڭبەرىندە ەڭ ۇزدىك ءۇش جوباعا بايقاۋ­دىڭ تۇساۋى كەسىلدى. العاش­قى­سى «بىرلىك» – ەڭ ۇزدىك الەۋ­­مەتتىك جوبا، ەكىنشىسى، «جومارت جان» – ەڭ ۇزدىك ەرىك­­تىلەر (ۆولونتەرلەر) جوباسى. ال ءۇشىنشى جوبا – «شاڭىراق» ەل كولەمىندەگى ەڭ ۇزدىك جوبالارعا اقپاراتتىق قولداۋ بىلدىرەتىن، سولاردىڭ العا جىلجۋىنا جول اشاتىن الەۋمەتتىك-اقپاراتتىق باعىتتى قامتيدى. 

قاتىسۋشىلار جوبا اۆتور­لارىنا جان-جاقتى سۇراق قويىپ، جاريالانعان تاقى­رىپ كەڭىنەن تارقاتىلدى. تاجى­ريبەلى ماماندار «ارمانىڭ­نان باس تارتپا» دەپ، جاس­تاردىڭ جۇرەگىندە قۇلشىنىس ەنەرگياسىنىڭ تەتىگىن باس­قانداي اسەر قالدىردى. 

«بۇل جوبالار جاستاردىڭ تىڭ يدەياسى مەن ستارتاپتارىن قولداۋ ماقساتىندا ۇيىمداستىرىلدى. بۇنىڭ بارلىعى جاستار مەن ولاردىڭ تىڭ جوبالارىن جۇزەگە اسىرۋ ماقساتىندا جۇرگىزىلۋدە. ۇزدىك دەپ تانىلعان ستارتاپ جوبالاردىڭ اۆتورلارى ءوز يدەيالارىن ىسكە اسىرۋعا مۇمكىندىك الادى. باستى ماقسات – جاستارعا جول اشۋ، باسىن قوسۋ، بۇل ءوز كەزەگىندە «رۋحاني جاڭعىرۋ» باعدارلاماسىنىڭ جۇزەگە اسىرۋ»، دەدى قحا توراعاسىنىڭ ورىنباسارى – حاتشىلىق مەڭگەرۋشىسى لەونيد پروكوپەنكو.

گۇلبارشىن ساباەۆا، 

«ەgemen Qazaqstan» 

الماتى

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار