«2018 جىلى جاڭا ساتىپ الۋ مودەلى قولدانىسقا ەنگىزىلگەننەن بەرى باسەكەگە قابىلەتتى ساتىپ الۋلار بويىنشا ۇنەمدەلگەن قارجى 51 ميلليارد تەڭگەنى قۇرادى. مۇنداي ناتيجەگە 2018 جىلى قوردىڭ ساتىپ الۋ جۇيەسىن جەتىلدىرۋگە باعىتتالعان اۋقىمدى جۇمىستاردىڭ ارقاسىندا قول جەتكىزىلدى»,- دەپ قۋات قوجاحمەتوۆ اتاپ ءوتتى.
سونىمەن بىرگە وتكەن جىلى قوردىڭ ساتىپ الۋ جۇيەسىن جەتىلدىرۋ باعىتىندا بەلسەندى جۇمىس جۇرگىزىلدى. حولدينگ ىشىندەگى ساتىپ الۋلاردى قىسقارتۋ شارالارى قابىلداندى. ونىڭ ارقاسىندا 22 ميلليارد تەڭگە كولەمىندە قارجى ۇنەمدەلدى.
ساتىپ الۋدىڭ جاڭا ۇلگىسى 2018 جىلدىڭ اقپان ايىنان باستاپ قولدانىسقا ەندى. وسى ۋاقىت ارالىعىندا جالپى قۇنى 1 تريلليون تەڭگەنى قۇرايتىن ساتىپ الۋلار جاريالانىپ, 24 مىڭ الەۋەتتى جەتكىزۋشى تىركەلدى. «سامۇرىق-قازىنا» ۇاق» اق باسقارما توراعاسى احمەتجان ەسىموۆ 2018 جىلدىڭ قورىتىندىسى بويىنشا وتكەن جينالىستا اتالعان مودەلدىڭ تابىستىلىعىن اتاپ ءوتىپ, بۇل باعىتتا جۇمىستى ودان ءارى جالعاستىرۋدى تاپسىردى.
ساتىپ الۋدىڭ جاڭا ۇلگىسىنىڭ ەرەكشەلىگى تسيفرلىق تەحنولوگيالاردى پايدالانۋ جانە بارلىق ساتىپ الۋ پروتسەسىن تولىق اۆتوماتتاندىرۋ بولىپ تابىلادى. جاڭا مودەل تاۋارلارعا, جۇمىستارعا جانە قىزمەتتەرگە سۇرانىستى جوسپارلاۋدان باستاپ ساتىپ الۋدى وتكىزۋگە, كەلىسىمشارتتار جاساسۋعا جانە ورىنداۋعا دەيىنگى تولىق تسيكلدى جۇزەگە اسىراتىن ەلەكتروندىق ساتىپ الۋدىڭ تولىققاندى اقپاراتتىق جۇيەسى بولىپ تابىلادى
سونىمەن قاتار, «سامۇرىق-قازىنا كونتراكت» جشس باس ديرەكتورى قۋات قوجاحمەتوۆ وتكەن جىلى جاسالعان وففتەيك-شارتتاردىڭ ماڭىزدىلىعىن اتاپ ءوتتى.
«2018 جىلدىڭ قورىتىندىسى بويىنشا ناقتى ناتيجەلەرگە قول جەتكىزدىلدى. اتاپ ايتقاندا, «KEGOK» اق مەن «ازيا ترافو» جشس اراسىنداعى, سونداي-اق, «قازترانسويل» اق مەن «KMG Automation» جشس اراسىندا جالپى سوماسى 4 ملرد. تەڭگەنى قۇرايتىن 2 پيلوتتىق وففتەيك-كەلىسىمشارتقا قول قويىلدى. مۇنىڭ ارقاسىندا 220 جاڭا جۇمىس ورنى قۇرىلدى جانە كاسىپوررىندار ۇزاق مەرزىمدى شارتتارمەن قامتاماسىز ەتىلدى»,- دەپ قۋات قوجاحمەتوۆ تىلگە تيەك ەتتى.
ايتا كەتكەن ءجون, 2018 جىلدىڭ قىركۇيەك ايىنان باستاپ pko.skc.kz دەگەن بۇرىنعى پورتال قوردىڭ بىرىڭعاي ساتىپ الۋ پلاتفورماسى zakup.sk.kz سايتىنا كوشىرىلدى. مۇنداي جاڭاشىلدىق بىلىكتىلىكتتى الدىن-الا ىرىكتەۋدى وڭتايلاندىردى. بىرىڭعاي جۇيە ساتىپ الۋ پورتالىندا جەڭىل سايكەستەندىرۋ ءۇشىن ارنايى ازىرلەندى.
