قازاقستان دا بۇل عالامدىق ۇدەرىستەن تىس قالماۋى ءتيىس. بۇگىندە وسى ماقساتتى كوزدەيتىن «تسيفرلى قازاقستان» باعدارلاماسى ەل تۇرمىسىنا دەندەي ەنىپ كەلەدى. نەگىزى بۇل باعدارلاما اياسىندا ەل بويىنشا ينتەرنەت قولدانۋشىلار سانىن 80 پروتسەنتكە جەتكىزۋ مىندەتى تۇر. 2020 جىلعا دەيىن وسى مەجەنى يگەرۋىمىز كەرەك. ال ەلدىڭ اقپارات سالاسىنداعى تسيفرلى حابار تاراتۋ ءۇردىسى 95 پروتسەنتكە جەتۋى ءتيىس. سونداي-اق, الداعى ءبىر-ەكى جىلدىڭ جۇزىندە تۇرعىنداردىڭ عالامتوردى يگەرۋ ساۋاتتىلىعى دا 80 پروتسەنتتەن اسۋى كەرەك. مۇنىڭ ءبارى مەملەكەت باسشىسى نۇرسۇلتان نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋى جانە «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا دا ناقتى ايتىلعان.
«تسيفرلى قازاقستان» باعدارلاماسىنىڭ ايماقتاردا جۇزەگە اسۋى ادامداردىڭ قولايلى ءومىر سۇرۋىنە باستايتىن ءۇردىس ەكەنىن قايتالاپ جاتۋ دا ارتىق. بۇل جەردەگى جەتىستىك قوعامدى قاعازباستىلىقتان ارىلتىپ, بيۋروكراتيانى جويۋعا دەيىن جەتكىزۋى ءتيىس. ال تسيفرلاندىرۋدىڭ ەڭ باستى ەرەكشەلىگى دەپ بارلىق سالاعا باتپانداپ ەنىپ كەتكەن سىبايلاس جەمقورلىقتىڭ جولىن كەسۋگە مۇمكىندىك بەرەتىن جاقتارىن ايتۋىمىز كەرەك.
بۇل باعىتتاعى جۇمىستار الماتى وبلىسىندا ءوز دەڭگەيىندە جۇرگىزىلىپ جاتىر دەۋگە ناقتى نەگىز بار. قازىر ايماقتا «تسيفرلى قازاقستان» باعدارلاماسى اياسىندا جۇمىستار ءار سالا بويىنشا جۇرۋدە. مىسالعا, وتكەن جىلى ءبىلىم بەرۋ سالاسىندا بۇل قادام ءساتتى جۇزەگە استى. وبلىس بويىنشا بالاباقشا كەزەگىنە ءوتىنىش بەرۋگە اۆتوماتتاندىرۋ جۇيەسى ەنگىزىلدى. بۇل جۇيەگە ايماقتاعىمەكتەپكە دەيىنگى 951 ۇيىم تىركەلدى. وسى بالاباقشا كەزەگىنە قاتىستى تسيفرلاندىرۋ جۇمىسى 81,4 پروتسەنتكە جەتكەن ەكەن. مۇنان بولەك, وبلىستا «Smart-كوللەدج» پيلوتتىق جوباسى ىسكە قوسىلدى. بۇل وڭىردەگى كوللەدجدەردە ءبىلىم بەرۋ پروتسەسىن اۆتوماتتاندىرۋعا مۇمكىندىك بەرەدى. ال مەكتەپتەردىڭ كومپيۋتەر تەحنيكاسىمەن جابدىقتالۋى 100 پروتسەنت ورىندالىپ, تسيفرلى كابينەتتەردىڭ سانى 11275 بولمەگە جەتتى. ءبىلىم بەرۋ نىساندارىن جىلدامدىعى جوعارى ينتەرنەتپەن قامتۋ 56 پروتسەنتكە ارتقا نەكەن.
وبلىستا «جەتىسۋ» مەديتسينالىق اقپاراتتىق جۇيەسى قولدانىسقا ەنگىزىلىپ جاتىر. بۇل بويىنشا دەنساۋلىق ساقتاۋ سالاسىنداعى بارلىق ۇيىمدار مەديتسينالىق اقپارات جۇيەسىنە 100 پروتسەنتكە قوسىلعان ەكەن. ونىڭ ىشىندە اۋداندىق دەڭگەيدەگى قامتۋ 69,9 پروتسەنتتى قۇراپتى. جالپى, دەنساۋلىق ساقتاۋ سالاسىندا ەلەكتروندى فورماتقا 117 مەديتسينالىق نىسان كوشكەن. قازىر قاعازسىز قۇجات اينالىمى 53 پروتسەنتكە دەيىن كوبەيدى. ەسەپ بويىنشا ءوڭىر تۇرعىندارىنىڭ 83 پروتسەنتىندە ەلەكتروندى جەنساۋلىق پاسپورتى بار. جاقىندا تالدىقورعان قالاسىنىڭ جەدەل جاردەم ستانتسياسىا «كومەك 103» تسيفرلى جۇيەسىنە تولىقتاي قوسىلدى. بۇل ناۋقاستاردىڭ شاقىرۋىن جەدەل قابىلداپ, دارگىرەلىك كومەكتى ۋاقتىلى كورسەتۋگە جول اشتى.
بىلتىر تۇرعىن ءۇي-كوممۋنالدىق شارۋاشىلىق سالاسىندا 9 تۇرعىن ءۇي «ە-شاڭىراق» بىرىڭعاي زياتكەرلىك اقپاراتتىق جۇيەسىنە قوسىلعان ەكەن. نتايجەسىندە تۇتىنىلعان جانە جەتكىزىلەتىن كوممۋنالدىق قىزمەتتەردى باقىلاۋ جانە مونيتورينگ بويىنشا شىعىندار 30 پروتسەنتكە تومەندەدى. جالپى, تسيفرلاندىرۋ باعدارلاماسىنىڭ «قالانى باسقارۋ» باعىتىن ىسكە اسىرۋ اياسىندا «Smart Taldykorgan» ءموبيلدى قوسىمشاسى ازىرلەنگەن. ول بويىنشا قىرىقتان استام قالالىق سەرۆيس قىزمەتىنە ينتەرنەت ارقىلى قوسىلۋعا مۇمكىندىك بەرەدى. وبلىس ورتالىعىندا «اقىلدى جاياۋ جۇرگىنشى وتكەلى» ىسكە قوسىلعان. بىرنەشە «Smart» ايالداما كەشەنى ورناتىلدى.
سونداي-اق, الماتى وبلىسىنىڭ قۇقىق قورعاۋ سالسى دا تسيفرلى قىزمەت كورسەتۋگە كوشىپ جاتىر. مىسالعا, «ەلەكتروندىق قىلمىستىق ءىس» جوباسى شەڭبەرىندە قىلمىستىق ىستەردى تەرگەۋ ەلەكتروندى فورماتتا جۇرگىزىلۋدە. بۇل ماقساتتا 300 ارنايى جۇمىس ورنى اشىلعان. ناتيجەسىندە تەرگەۋ جۇرگىزۋ مەرزىمى قىسقارىپ, ءىس ماتەريالدارىن بۇرمالاۋ تاۋەكەلى ازايعان.
- «تسيفرلى قازاقستان» باعدارلاماسى اياسىندا تسيفرلاندىرۋ ۇدەرىسى بارلىق ءومىر ءسۇرۋ سالاسىنا قاتىستى جانە مەملەكەتىمىزدىڭ ءاربىر تۇرعىنىنىڭ ءومىر ءسۇرۋ دەڭگەيىن ارتتىرۋعا باعىتتالعان. بۇل باعىتتاعى جۇمىستىڭ ءبىر پاراسىن «جەتىسۋ – ادالدىق الاڭى» جوبالىق كەڭسىنە قاتىستى ايتۋعا بولادى. جوبالىق كەڭسە اشىلعالى بەرى جۇمىس توبى 12 وتىرىس وتكىزدى. ال جاقىندا عانا ءبىز الماتى وبلىسىنداعى مەملەكەتتىك قىزمەت كورسەتۋدى تسيفرلاندىرۋ بويىنشا ەكى ماسەلەنى تالقىلادىق. ءبىرىنشىسى, مەملەكەتتىك كىرىستەر دەپارتامەنتى باستاماشى بولىپ وتىرعان «مەملەكەتتىك قىزمەتتى جەدەل كورسەتۋ – دوڭگەلەكتى كەڭسە» جوباسى. بۇل بويىنشا سالىق مىندەتتەمەلەرىن ەسەپتەپ, قابىلداۋ ءۇشىن ەلدى مەكەندەرگە ارنايى جابدىقتالعان كولىك شىعارۋ جوسپارلانعان. ونىڭ قىزمەتى تولىقتاي تسيفرلانادى. ناتيجەسىندە, سالىق تولەۋشىلەردىڭ جۇمىسى جەڭىلدەپ, قاعازباستىلىق ازايادى. ەكىنشى جوبانى «BilimMediaGroup» كومپانياسى ۇسىنىپ وتىر. ول ءبىلىم سالاسىنداعى قىزمەتتەردى اۆتوماتتاندىرۋ ارقىلى سىبايلاس جەمقورلىق قاۋىپىن تومەندەتۋگە باعىتتالعان, - دەيدى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ باسشىسى سەرىكباي نۇرعيساەۆ.
قالماحانبەت مۇقامەتقالي,
«Egemen Qazaqstan»
الماتى وبلىسى
