وسى ارالىقتا «QAZAQ RADIOLARY» سەرىكتەستىگىنە قاراستى «SHALQAR», «ASTANA», «CLASSIC» جانە «QAZAQ RADIOSY» راديولارىنىڭ ەفيرلەرىنە ەلىمىزدىڭ بەلگىلى قوعام قايراتكەرلەرى, ونەر مايتالماندارى جانە مەتسەناتتار شاقىرىلىپ, ادامنىڭ بويىنداعى ەڭ اسىل قاسيەتتەرىنىڭ ءبىرى – قايىرىمدىلىق تۋرالى ويلارى مەن تىلەكتەرىن ورتاعا سالادى. قازاق راديوسىنداعى «زاڭگەر كەڭەسى», «دەنساۋلىق», ء«بىرىنشى بايلىق», «بارمىسىڭ, باۋىرىم؟», «كاسىپ-ءناسىپ» حابارلارى وسى شارا اياسىندا ءار سالا بويىنشا ارنايى مامانداردى ستۋدياعا شاقىرىپ, قايىرىمدىلىق تاقىرىبىندا پىكىرلەرىمەن بولىسەدى.
شارانىڭ باستى ماقساتى – كومەككە مۇقتاج جاندارعا قول ۇشىن بەرۋ, قايىرىمدىلىق كورسەتىپ جۇرگەن جومارت جانداردى كوپكە ۇلگى ەتۋ. سونداي-اق, جۇمىلا كوتەرگەن جۇك جەڭىل ەكەندىگىن ەسكە سالىپ, وسى يگى ءىستىڭ ماڭىزى زور ەكەنىن جەتكىزۋ.
داستۇرگە اينالعان قايىرىمدىلىق جوباسى بيىل قازاقستان حالقى اسسامبلەياسىمەن بىرگە ۇيىمداستىرىلىپ وتىر. بۇگىندە العاشقىلاردىڭ ءبىرى بولىپ, شاراپاتى مول شاراعا «QAZAQ RADIOLARY» ۇجىمى ءبىر كۇندىك ەڭبەكاقىلارىن اۋدارىپ ۇلگەردى.
ايتا كەتەيىك, 2017 جىلدان باستاپ, وسى ۋاقىتقا دەيىن اتالمىش شارا اياسىندا مۇقتاج جاندارعا 56 000 000 تەڭگە قاراجات كولەمىندە كومەك كورسەتىلدى.
بيىل دا ارنايى قۇرىلعان قورعا جينالعان قاراجات 1 ناۋرىز كۇنى «بەيبىتشىلىك جانە كەلىسىم سارايىندا» «مىڭ العىس» قايىرىمدىلىق كونتسەرتىندە تابىستالاتىن بولادى.
ادامي قاسيەتتەردىڭ قادىرلىسى قايىرىمدىلىق بولسا, ايالى الاقانىن, جۇرەك جىلۋىن ۇسىنۋ, ساۋابى مول ىسكە قولىنان كەلگەنشە كومەكتەسىپ, ۇلەسىن قوسۋ ادامنىڭ ازاماتتىق پارىزى. سوندىقتان, بارلىقتارىڭىزدى وسى يگى ىسكە اتسالىسۋعا شاقىرامىز.
قول ۇشىن سوزىپ, قارجىلاي قولداۋ كورسەتكىسى كەلەتىن ازاماتتارعا «ۋاقىپ» قازاقستاندىق قورىنىڭ» ەسەپ-شوتى اشىق دەپ جاريالايمىز.
«ۋاقىپ» قازاقستاندىق قورى» كورپوراتيۆتىك قايىرىمدىلىق قورى»
زاڭدى مەكەن-جايى: 010000, استانا ق., قابانباي باتىر داڭع., 28 ءۇي, وفيس 5,
بسن: 170740000147
يك: KZ 136010111000051511 ( KZT)
بيك: HSBKKZKX
جسن: 620500086324
بانك: «قازاقستاننىڭ حالىق بانكى» اق
پرەزيدەنت: ازيموۆ كايرات مۋراتوۆيچ
