13 اقپان، 2019

اۋعان سوعىسىنىڭ اقيقاتى

709 رەتكورسەتىلدى

الماتىداعى مەملەكەتتىك ورتالىق مۋزەيدە كەڭەس اسكەرلەرىنىڭ اۋعانستاننان شىعارىلۋىنىڭ 30 جىلدىعىنا ارنالعان «جانىمدى جارالاعان اۋعانستان» اتتى كورمە ءوتتى.

اۋعان سوعىسى 1979 جىلى باس­تالىپ 10 جىلعا سوزىلدى. ايتۋعا وڭاي، سۇراپىل زوبالاڭ، قانشاما تاعدىردى جالمادى. تسيفرلى دەرەكتەرگە سالساق، اۋعان جەرىندە سول كەزەڭدە كسرو-نىڭ 620 مىڭعا جۋىق، سون­ىڭ ىشىندە قازاقستاندىق 22 مىڭ ادام اسكەري قىزمەتتەرىن وتەدى. 15 526 ادام، سونىڭ ىشىندە – 925 قازاقستاندىق العان جاراقات­تا­رىمەن اۋرۋلارى­نان قايتىس بولدى. 333 ادام (كسرو قورعانىس مينيسترلىگى باس شتابى­نىڭ دەرەكتەرى بويىنشا) قازاقستاندىق 21 ادام حابار-وشار­سىز جوعالدى جانە تۇتقىنعا ءتۇستى.

اۋعانستان سوعىسى كەڭەس ودا­عىنا ەشبىر ار-ابىروي، داڭق اكەلگەن جوق. قۇربان بولعانداردىڭ تۋىستارى مەن جاقىندارى ءۇشىن بۇل قاسىرەتتى سوعىس 1989 جىلى اقپانداعى اسكەرلەردىڭ شىعارىلۋىمەن دە اياقتالعان جوق. ول ءتىپتى ۋاقىتتىڭ ءوزى دە ەمدەۋگە دارمەنسىز قانسى­را­عان جارا بولىپ قالىپ وتىر. وسى قانتوگىستى وقيعانىڭ تاجىري­بە­سى ءار مەملەكەت پەن حالىق وزدە­رىنىڭ ىشكى ىستەرىن ءوز حا­لىق­­تارىنىڭ پايداسى مەن يگى­لىك­تەرى ءۇشىن دەربەس تۇردە شەشۋگە ۇندەگەن قايتالانباس ساباق بولدى. شايقاس شەبىندە سو­عىس­تى تۇتاندىرۋشىلار ەمەس، مايدانداعى جاۋىنگەرلەر قازا بولدى.

كورمەنىڭ ماقساتى اۋعانستان سوعى­سى تۋرالى شىندىقتى جە­ت­كىزۋ، جاۋىنگەرلەر مەن جاس­تار­­دىڭ جارقىن ۇرپاعىن اۋعان­ستان­دا شايقاسقان سولداتتار مەن وفيتسەرلەردىڭ پاتريوتتىق ۇلگىسىندە تاربيەلەۋ، سونداي-اق، سوعىس ساياسي پروبلەمالاردى شەشۋدىڭ ءتاسىلى ەمەس ەكەندىگى تۋرالى ۇعىم قالىپتاستىرۋ.
ەكسپوزيتسياعا اۋعانستاندا شايقاسقان، قۇربان بولعان جانە وسى وتتى وقيعادان امان قالعان جەرلەس جاۋىنگەرلەر مەن وفيتسەرلەردىڭ دەرەكتى ماتەريالدارى (وقيعالاردىڭ كۋالەرى مەن قاتىسۋشىلارىنىڭ فوتو­سۋرەت­تەرى، حاتتارى، كۋالىكتەرى)، ناگرادالارى مەن جەكە زاتتارى قويىلدى. كورمەگە كەلۋشىلەردى، اسىرەسە كەڭەس جاۋىنگەرلەرى مەن وفيتسەرلەرىنىڭ، سونداي-اق ولار­دىڭ قارسىلاستارىنىڭ كيىم-م ۇلىكتەرى ايرىقشا قىزىقتىرارى ءسوزسىز.
اۋعان سوعىسىنىڭ تۇيىندەرى وسىلاي تۇيىندەلە بەرەر... 

كورمەنىڭ اشىلۋىنا اۋعان­ستان يسلام رەسپۋب­لي­كا­سى­نىڭ قازاقستانداعى باس كون­سۋلى مر. شۋعني ياسساۋي مەن ەلشىلىكتىڭ ساۋدا اتتاشەسى سايد كحايلي زيا قاتىستى.

ساپارباي پارمانقۇل،

«Egemen Qazaqstan» 

الماتى

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار