ايماقتار • 07 اقپان، 2019

كاسىپكەرلىك قارقىن الدى

377 رەتكورسەتىلدى

وتكەن جىلى كاسىپكەرلىك سالاسىندا ىسكە اسىرىلىپ جاتقان مەملەكەتتىك باعدارلامالار قالا جانە اۋدانداردا ەرەكشە سەرپىن الدى.

وبلىستىق كاسىپكەرلىك جانە تۋريزم باسقارماسى باسشىسىنىڭ ورىنباسارى ازامات دوسجانوۆ: «بيزنەستىڭ جول كارتاسى 2020» باعدارلاماسى شەڭبەرىندە ارال اۋدانى 1 ملرد. تەڭگەگە 16 جوبا جانە جالاعاش اۋدانى 459 ملن. تەڭگەگە 9 جوبا دايىندادى. باعدارلاما اياسىنداعى جالپى نەسيە پورتفەلىنىڭ 73 پايىزى قىزىلوردا قالاسىمەن شىعارىلعان»، - دەدى.

سونداي-اق، ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى بويىنشا سىرداريا اۋدانىنان 167 كاسىپكەر، جاڭاقورعان اۋدانىنان 164 كاسىپكەر جانە قارماقشى اۋدانىنان 148 كاسىپكەر شاعىن نەسيە العان. باعدارلاما اياسىندا شاعىن نەسيەلەر بەرۋ ءۇشىن بولىنگەن قاراجاتتىڭ 569،3 ملن. تەڭگەسىن جاڭاقورعان اۋدانىنىڭ كاسىپكەرلەرى الىپ، جەمىستى جۇمىس جاساپ جاتىر

وسىنداي مەملەكەتتىك قولداۋلاردىڭ ارقاسىندا وبلىستا ون ءتورت مىڭنان اسا ازامات تۇراقتى جۇمىس ورىندارىمەن قامتىلدى.

باقتيار تايجان،

«Egemen Qazaqstan»

قىزىلوردا وبلىسى

سوڭعى جاڭالىقتار

ۇقساس جاڭالىقتار