قازاقستان • 07 اقپان، 2019

IESO 2019 جەر تۋرالى عىلىمدار حالىقارالىق وليمپياداcىنا قاتىساتىن وقۋشىلار انىقتالدى

438 رەتكورسەتىلدى

استانادا IESO 2019 جەر تۋرالى عىلىمدار بويىنشا حالىقارالىق وليمپياداcىنا قاتىسۋ ءۇشىن قازاقستاندىق ۇلتتىق كومانداعا جوعارى سىنىپ وقۋشىلارىن ىرىكتەۋ اياقتالدى. وليمپيادا وڭتۇستىك كورەيادا تامىز ايىنىڭ سوڭىندا وتەتىن بولادى.

ەلىمىزدىڭ استاناسىندا IESO حالىقارالىق وليمپياداسىنا قاتىسۋ ءۇشىن قازاقستاننىڭ ۇلتتىق كومانداسىنا جوعارى سىنىپ وقۋشىلارىن ىرىكتەۋ اياقتالدى.

— كورەياعا ءتورت قازاقستاندىق وقۋشى بارادى. اقتوبەدەن رۋستام ۆاليەۆ (نزم)، وسكەمەننەن الماس يسكەنديروۆ ء(بىلىم-يننوۆاتسيالىق ليتسەيى)، استانادان امير جولداسبەكوۆ (نزم) جانە ونىڭ جەرلەسى ايبيكە جاگيپاروۆا (№4 گيمنازيا)، — دەپ ءبولىستى ش.ەسەنوۆ اتىنداعى عىلىمي ءبىلىم بەرۋ قورىنىڭ جوبالار ۇيلەستىرۋشىسى نۇرسۇلتان نۇرمۇحانوۆ.

كومانداداعى جالعىز قىز قۇراما كومانداعا بىلتىردان بەرى وتۋگە ۇمتىلعان، الايدا وعان اعىلشىن تىلىنەن جەتكىلىكسىز دەڭگەي مۇمكىندىك بەرمەگەن بولاتىن. ءبىر جىل بويى ءتىلدى تىنباي جەتىلدىرگەن سوڭ، ايبيكە قاجەتتى دەڭگەينىنە قول جەتكىزىپ، بيىلعى جىلى حالىقارالىق جارىسقا ەلىمىزدىڭ اتىنان قاتىساتىن بولادى.

— بالالار فينالعا قالاي ءوتتى؟ بىلتىرعى جىلى ءبىز ەلىمىزدىڭ كوپتەگەن مەكتەپتەرىنە كونكۋرس تۋرالى حابار بەرىپ، ولار وزدەرىندە ىرىكتەۋ جۇرگىزدى. وقۋشىلار وزدەرىنىڭ گەولوگياداعى، استرونومياداعى، وكەانولوگياداعى جانە دە، ارينە، اعىلشىن تىلىندەگى تەرەڭ بىلىمدەرىن كورسەتتى. ولاردىڭ ىشىندە ءبىز ەڭ ۇزدىكتەردى تاڭدادىق، - دەپ ايتتى «جاس گەولوگ» قورىنىڭ ديرەكتورى جانات يسمايل.

ودان ءارى كونكۋرس جەڭىمپازدارىندا وليمپياداعا دايىندىق باستالادى – ولار جارىستاردا كەزدەسەتىن تاپسىرمالارعا ۇقساس تاپسىرمالاردى ورىندايتىن بولادى. قازاقستاندىق وقۋشىلاردى وليمپياداعا گەولوگيا پروفەسسورى لوران ريشار جانە گەولوگيالىق-مينەرالوگيالىق عىلىمدار كانديداتى جانە «جاس گەولوگ» ۇيىرمەسىنىڭ جەتەكشىسى ايگۇل بايداۋلەتوۆا دايىندايدى (ەكەۋى دە استانادان). ساباقتار اپتاسىنا ەكى رەت ونلاين رەجيمىندە وتكىزىلەدى.

— IESO — بۇل وتە تانىمال وليمپيادا، جانە وعان قاتىسۋ، بۇعان قوسا ماراپاتتارعا يە بولۋ ەلىمىز ءۇشىن، سونداي-اق بالالار ءۇشىن بەدەلدى. بۇل قازاقستاننىڭ جەر تۋرالى عىلىمداردى زەرتتەۋ سالاسىندا قانداي دەڭگەيگە جەتكەنىن كورسەتەدى. مەن فينالدىق ىرىكتەۋگە قاتىستىم، جانە دە ءبىزدىڭ بالالارىمىزدىڭ دەڭگەيى شىنىمەن دە جوعارى دەپ ايتا الامىن. بيىل دا ەلىمىز IESO-دان مەدالداردى قانجىعاسىنا بايلايدى دەپ ۇمىتتەنەمىن، - دەپ ءبولىستى پروف. ل.ريشار.

وقۋشىلاردىڭ ىرىكتەۋىن «جاس گەولوگ» كورپوراتيۆتىك قورى ۇيىمداستىردى، ال IESO ۇلتتىق قازاقستاندىق كومانداسىنىڭ باس دەمەۋشىسى ش.ەسەنوۆ اتىنداعى عىلىمي ءبىلىم بەرۋ قورى بولىپ تابىلادى. IESO وليمپياداسىنان 2017 جانە 2018 جىلدارى قازاقستاندىقتار 9 ماراپاتتاۋمەن ورالدى. بيىلعى جىلى 13-ءشى وليمپيادا، 2007 جىلى العاشقى رەت وتكىزىلگەن، تەگۋ قالاسىندا قايتا وتەتىن بولادى.

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار