باتىس قازاقستان وبلىسىندا رەسەي فەدەراتسياسىنىڭ سامارا, ورىنبور, تولياتتي, ساراتوۆ, بۋزۋلۋك قالالارى باعىتىنا جۇرەتىن 5 حالىقارالىق, اتىراۋ مەن اقتوبەگە قاتىنايتىن 2 وبلىسارالىق اۆتوبۋس مارشرۋتى بار. وعان قوسا 28 قالالىق, 5 قالا ماڭى, 32 وبلىسىشىلىك, 37 اۋدانىشىلىك تۇراقتى اۆتوبۋس مارشرۋتتارى جۇمىس جاسايدى. اتالعان اۆتوبۋس مارشرۋتتارىنا 30 تاسىمالداۋشى-كاسىپورىن قىزمەت كورسەتەدى ەكەن.
وڭىردە الەۋمەتتىك ماڭىزى بار جولاۋشى قاتىناستارىن مەملەكەتتىك قولداۋ تۇراقتى جۇزەگە اسادى. مىسالى, 2018 جىلى وبلىسىشىلىك اۆتوبۋس مارشرۋتتارى بويىنشا تاسىمالداۋشىلاردىڭ شىعىندارىن سۋبسيديالاۋ ءۇشىن وبلىس بيۋدجەتىنەن 60,0 ملن. تەڭگە تولەندى. 2019 جىلى دا وسىنداي اۆتوبۋس مارشرۋتتارىن سۋبسيديالاۋ ءۇشىن 70,0 ملن. تەڭگە ءبولىندى. اتاپ ايتقاندا 7 مارشرۋت سۋبسيديالانباق, ولار: «تايپاق-ورال», «جاڭاقالا-ورال», «جانىبەك-ورال», «قاراتوبە-ورال», «ورال-سايقىن», «قازتالوۆ-ورال», «جالپاقتال-ورال» باعىتتارى.
باتىس قازاقستان وبلىسى ارقىلى «الماتى-ساراتوۆ» حالىقارالىق جولاۋشىلار پويىزى, وبلىسارالىق قاتىناستاعى «ورال-استانا», «ورال-الماتى», «ورال-اقتوبە» پويىزدارى, اۋدانارالىق «ورال-وزينكي» جانە «ورال-شىڭعىرلاۋ» پويىزدارى وتەدى. 2018 جىلى ەكى تەمىر جول مارشرۋتى بويىنشا تاسىمالداۋشىلاردىڭ شىعىندارىن سۋبسيديالاۋ ءۇشىن وبلىس بيۋدجەتىنەن 166,4 ملن. تەڭگە تولەنگەن بولاتىن. بيىل ونىڭ مولشەرى 174,6 ملن. تەڭگە بولدى.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان
