شىعىستاعى عانا ەمەس, ەلىمىزدەگى كادرلاردىڭ ۇستاحاناسى سىندى وقۋ ورداسىنىڭ ۇجىمى قاشان دا ەل مۇددەسىنە باعىتتالعان ساياسي ناۋقانداردان قالىس قالمايدى. بەلسەنە ارالاسىپ, ءتۇرلى چەللەندجدەر ۇيىمداستىرادى. ۋنيۆەرسيتەت باسشىلىعى دا جاستاردىڭ ۇستانىمىن ۇنەمى قولداپ, دەمەۋ بەرىپ وتىرادى.
– كۇن شىعىستان شىعادى. سوندىقتان, ەلىمىز ءۇشىن ەرەكشە كۇندە ەرتە تۇرىپ, ۇجىمىمىزبەن, ستۋدەنتتەرىمىزبەن بارىپ, داۋىس بەردىك. وسكەمەندە بۇگىن كۇن شايداي اشىق. ەلىمىزدىڭ اسپانى دا بۇگىنگىدەي شۋاقتى, جاستارى قۋاتتى بولسىن, – دەپ سارسەن امانجولوۆ اتىنداعى ۋنيۆەرسيتەتتىڭ رەكتورى مۇحتار تولەگەن جۇرەكجاردى لەبىزىن ءبىلدىردى.
ايتا كەتەيىك, ساياسي ناۋقان كۇنى وقۋ ورىننىڭ ۇجىمى ء«ۇمىت» ارناۋلى الەۋمەتتىك قىزمەتتەرگە مۇقتاج بالالاردى قولداۋ ورتالىعىنا بارىپ, قايىرىمدىلىق اكتسياسىن ۇيىمداستىردى.
الماتى وبلىسىنىڭ تۇرعىنى رەفەرەندۋم ۋچاسكەسىنە ۇلتتىق كيىم كيگەن روبوتپەن كەلدى
شىعىس قازاقستان وبلىسى
