«وڭىردەگى وڭدەۋ ونەركاسىبى ءونىمىنىڭ كولەمى – 236,9 ملرد.تەڭگەنى قۇراپ, ءوسىم – 100,7 پايىزعا جەتتى. اۋىل شارۋاشىلىعىنىڭ جالپى ءونىم كولەمى – 544,3 ملرد. تەڭگەنى قۇراپ, 2017 جىلمەن سالىستىرعاندا 5,3 پايىزعا ارتقان. اتاپ ايتقاندا, مال شارۋاشىلىعىندا ەت ءوندىرىسى – 4,8 %, ءسۇت – 2,8 %, جۇمىرتقا – 8,1 پايىزعا ارتتى», – دەدى ارمان ءسابيت ۇلى.
سونىمەن قاتار, تۇركىستان وبلىسىندا 288,1 ملرد. تەڭگە ينۆەستيتسيا باعىتتالىپ, ءوسىم كورسەتكىشى – 101,2 %. بۇدان وزگە, قۇرىلىس جۇمىستارىنىڭ جالپى كولەمى – 139,1 ملرد. تەڭگەنى قۇرادى. سونداي-اق, پايدالانۋعا بەرىلگەن تۇرعىن ءۇيدىڭ جالپى الاڭى – 387,8 مىڭ شارشى مەترگە جەتىپ, 2017 جىلعا قاراعاندا 21,7 پايىزعا ارتقان. تيىسىنشە, بۇل سالادا وبلىستىڭ رەسپۋبليكاداعى ۇلەسى 3,1 پايىزعا جەتىپ, 3-ورىندى يەلەنىپ وتىر.
وبلىس بويىنشا بيۋدجەتتىڭ جالپى كولەمى – 562,1 ملرد. تەڭگە. ونىڭ ىشىندە دامۋ بيۋدجەتى – 80,8 ملرد. تەڭگە بولسا, ال, جەرگىلىكتى بيۋدجەتكە تۇسكەن سالىقتار مەن باسقا تۇسىمدەردىڭ كولەمى – 100,9 ملرد. تەڭگە.
بۇگىنگى تاڭدا وبلىستىڭ رەسپۋبليكالىق بيۋدجەتكە تاۋەلدىلىگىن تومەندەتۋ ماقساتىندا جۇمىستار جۇرگىزىلۋدە. وتكەن جىلى بيۋدجەتتىڭ جالپى كولەمىندە وزىندىك كىرىستەردىڭ ۇلەسى 17,1 پايىزعا ارتىپ, 7 ملرد. تەڭگەگە ءوستى. بيۋدجەتتىڭ شىعىستار بولىگىندە اعىمداعى شىعىندار 467,7 ملرد. تەڭگەنى قۇراسا, ال دامۋ بيۋدجەتىنىڭ شىعىندارى 94 ملرد. تەڭگەگە جەتتى. بيۋدجەت كولەمىندە الەۋمەتتىك سالاعا باعىتتالعان شىعىستار 341,2 ملرد. تەڭگەنى قۇراپ, ۇلەسى – 60,7 پايىز.
