جۋىردا كوكپار الاڭىنا جينالىپ, اتقا ءمىنۋ, جاباعى ۇيرەتۋ, كوكپار, قىز قۋ, اۋدارىسپاقتى قازاقتىڭ ۇلتتىق ويىندارىن ارنالعان شارا وتكىزدى. بۇل شارادان ارانيى بەينەروليكتەر تۇسىرىلگەن.
اۋىلدا جاستارعا قولدايتىن, ۇلتتىق ويىندار, سالت-ءداستۇر جاناشارى, بۇركىتشى, قۇسبەگى يمانزايىپ تاسىباەۆ تۇرادى. قازىر باياناۋىل ۇلتتىق مەملەكەتتىك تابيعي پاركىندە ەڭبەك ەتۋدە.
ال, نۇرجان, ەرسايىن, ديدار قاليەۆتەر, اسىلبەك ساعىندىكوۆ, مۇرات اعجان, جولبولدى ەراسىل, جاقىباي دارحان, ابلەشوۆ ەركەبۇلان, يمانزايىپ ەرمەك, عاليجاپاروۆ دامير, جۇماعالي ەردوس, اسپانديار تاسىباەۆ, باقىتبەك بايكين, باتىربەك قوشقارباەۆ, اسىلبەك سلامبەكوۆ اسىلبەك,ەركەبۇلان سەيىتقۇلوۆ, مارلەن ادامقۇلوۆ سياقتى كوكپارشى جىگىتتەر جارىستان قالمايدى.
كوكپارشىلار كومانداسىن باپكەر الديار تاسىباەۆ باسقارادى. باس تورەشى-نۇرجان قاليەۆ.
كوكپارشىلارعا وبلىستىق, رەسپۋبليكالىق جارىستارعا ارۋ ءۇشىن اۋىل اكىمدىگى, اۋماقتاعى شارۋا قوجالىقتارى دەمەۋشىلىك كورسەتەدى.
اۋدارىسپاق ويىن تۇرىنەن جاس پالۋانى مۇرات اقجان رەسپۋليكالىق تۋرنيرلەردە بىرنەشە مارتە جۇلدەگەر اتاندى.
اۋدارىسپاقتان اقتوبە وبلىسى اكىمىنىڭ كۋبوگىنا ارنالعان باسەكەدە 2-ورىنعا يە بولىپتى.
ال, اۋىلدىڭ بەلسەندى جاستارىنىڭ ءبىرى-باتىربەك قوشقارباەۆ ج. ايماۋىتوۆ اۋىلىندا تۇرادى.
وقۋ ءبىتىرىپ, جوعارى ءبىلىم العان,قازىر اۋدانىنىڭ "تۇما" جاستار قوعامدىق بىرلەستىگىن باسقارادى.
-اتام- كوپەن كەزىندە ات جاراتىپ, قۇماي تازى ۇستاعان ەكەن. مەن دە اتا جولىن قۋىپ, كۇمىس ەرتوقىم, اعاش ۇزەڭگى, ورمە جۇگەن, ورمە قامشى – ات ابزەلدەرىن جينايمىن. اۋىلىمىزدا كوكپار تارتىپ, بۇركىت باۋلىپ, قۇماي تازى ۇستايتىندار از ەمەس,-دەپ باقىتجان بەردىبەكوۆ اعا.
جالپى, قىزىلتاۋ اۋىلدىق اۋماعىنا جۇسىپبەك ايماۋىتوۆ اتىنداعى, اقشي, لەكەر, ءۇيتاس دەگەن شاعىن اۋىلدار قارايدى.
اۋىلدىق اۋماقتا قازىر قالعانى 1194 ادام. اۋىل شارۋاشىلىعى سالاسى بويىنشا 1 سەرىكتەستىك, 63 شارۋا قوجالىقتار جۇمىس جاساۋدا. بۇلاردىڭ اراسىندا 3 شارۋا قوجالىعى اسىل تۇقىمدى ءىرى قارا مال, اسىل تۇقىمدى جىلقى شارۋاشىلىعى بار.
فاريدا بىقاي,
«ەگەمەن قازاقستان»
پاۆلودار
