جيىنعا زيالى قاۋىم وكىلدەرى, ەڭبەك ارداگەرلەرى, عىلىمي قىزمەتكەرلەر, جاستار قاتىستى. شەجىرەشى, ەتنوگراف مولدابەك جانبولات ۇلى, كارىباي سۇلتانوۆ, سوۆەت توعىزباەۆ, نۇرجامال بيمۋرزاەۆا سىندى ەڭبەك ارداگەرلەرى, قۇرمەتتى ازاماتتار جىلى لەبىز, پىكىرلەرىن ءبىلدىردى..
-«اقىلداستار» قوعامدىق بىرلەستىگى ەل تاۋەلسىزدىگىن العان ۇزاق جىلداردان بەرى اباي مۋزەيىمەن تىعىز قارىم-قاتىناس جاساپ كەلەدى,-دەدى ابايدىڭ مەملەكەتتىك قورىق-مۋزەيى ديرەكتورىنىڭ عىلىمي ىستەر جونىندەگى ورىنباسارى مەيرامگۇل قايرامباەۆا,-قوعام مۇشەلەرى عىلىمي كونفەرەنتسيا, كەزدەسۋلەرگە تۇراقتى تۇردە قاتىسادى. مۋزەيگە ارنايى ەكسكۋرسيالار دا ۇيىمداستىرىپ, اقساقالدار مەن قاتار جاستاردىڭ دا دۇنيەتانىمىن بايىتۋدا. ساعىندىق بەكقالي ۇلىنىڭ وسى كىتابى وقىرماندى رۋحاني بايىتاتىن بىردەن-ءبىر تاماشا شىعارما. اۋىلداعى ەڭبەك ادامدارىنىڭ تىنىس-تىرشىلىگىن كەڭىنەن سۋرەتتەگەن.
قوعامدىق بىرلەستىكتىڭ توراعاسى ساعىندىق بەيسەنباەۆ وقىرمانعا جول تارتقان «ونەگەلى ءومىر ورنەكتەرى» اتتى جاڭا تۋىندىسىندا وبلىسىمىزدىڭ ابىز اقساقالدارىنىڭ ونەگەلى ءومىر جولدارى كەڭىنەن سۋرەتتەلەدى. اۆتور قولىنداعى ماتەريالدارىن ءبىر جۇيەگە ءتۇسىرىپ, ءار ءبولىمدى باستى ارناعا توعىستىرا بىلگەن.
راۋشان قابجانقىزى,
«ەگەمەن قازاقستان»
سەمەي
