سونداي-اق, 2018 جىلى قاراعاندى جانە سولتۇستىك قازاقستان وبلىستارىنىڭ تولەۋشىلەرى ءۇشىن پيلوتتىق رەجيمدە كولىك قۇرالدارىنا ارنالعان سالىعى بويىنشا الداعى تولەمدەرى تۋرالى جاڭا قىزمەت ىسكە قوسىلدى. بۇل قىزمەت E.gov پورتالىندا جانە مكك پورتالىندا جەكە تۇلعالار ءۇشىن جۇزەگە اسىرىلادى, سونداي-اق بيىل ول بانك جۇيەلەرىمەن بىرىكتىرىلەتىن بولادى. قىزمەت الداعى سالىق سوماسىن ونى تولەۋ ۋاقىتى باستالعانعا دەيىن بىلۋگە, سونداي-اق دايىن دەرەكتەمەلەر بويىنشا ەلەكتروندى قىزمەتتەر ارقىلى سالىقتى تولەۋگە مۇمكىندىك بەرەدى. پيلوتتىق جوبانى جۇرگىزۋ ناتيجەسى ءساتتى بولعان جاعدايدا, قىزمەت بۇكىل ەل بويىنشا جەكە تۇلعالاردىڭ بارلىق سالىقتارى بويىنشا تيراجدالاتىن بولادى.
2019 جىلدىڭ تامىز-جەلتوقسان ايلارىندا قازاقستاننىڭ بارلىق اۋماعىندا جەكە تۇلعالاردىڭ سالىقتارى بويىنشا الداعى تولەمدەر تۋرالى سمس-تاراتۋدى, ءساۋىر مەن قازان ايلارىندا بەرەشەكتەر تۋرالى ءماتىندى حاباردار ەتۋ تۋرالى سمس-تاراتۋدى ىسكە قوسۋ جوسپارلانۋدا.
وسىلايشا, سالىق تولەۋشىلەرگە شەكارادان شىققانعا دەيىن بەرەشەگىنىڭ بار ەكەنى تۋرالى الدىن الا بىلۋىنە مۇمكىندىك بەرىلەدى. الايدا, بۇل ولاردىڭ تاراپىنان تولەۋگە كەپىلدىك بەرمەيدى.
مۇنداي جاعدايلاردا تەرمينالدار مەن ءموبيلدى قوسىمشالار ارقىلى ناقتى ۋاقىت رەجيمىندە بەرەشەگىن تولەۋگە بولادى. ياعني, تولەگەننەن كەيىن بىرنەشە مينۋت ىشىندە بەرەشەكتىڭ وتەلگەنى تۋرالى وزەكتى مالىمەتى الۋعا بولادى.
وسى ماقساتتا ءبىز ەلەكتروندىق ۇكىمەتتىڭ تولەم ءشليۋزى (ەۇتش) ارقىلى بانكتەرمەن بىرىكتىرۋدى جۇرگىزدىك. بانكتەرمەن تىكەلەي ءوزارا ءىس-قيمىل جاساۋ تولەمدەر تۋرالى اقپاراتتاردى الۋ ۋاقىتىن بىرنەشە مينۋتقا دەيىن قىسقارتۋعا مۇمكىندىك بەردى. بۇرىن اقپارات 2-3 كۇن ىشىندە قازىناشىلىق كوميتەتىنەن كەلىپ تۇسەتىن.
مىسالى, ءبىز Kaspi.kz ءموبيلدى قوسىمشاسىنىڭ كليەنتتەرى شامامەن 6 ميلليون جەكە تۇلعا كاسپي بانكىمەن, Homebank ءموبيلدى قوسىمشاسىن پايدالانۋشىلارى شامامەن 5 ميلليون جەكە تۇلعا حالىق بانكىمەن بىرىكتىك.
بيىل ءبىز بەرەشەكتەرگە قىزمەت كورسەتۋ, الداعى تولەمدەر جانە سالىق تولەۋ بويىنشا باسقا بانكتەرمەن جانە بيزنەس-ۇيىمدارمەن ينتەگراتسيا بويىنشا جۇمىستى جالعاستىرامىز.
انىقتاما ءۇشىن: ەگەر سالىقتىق بەرەشەگى 20 اەك-تەن (50 500 تەڭگە) اسسا, قازاقستاندا شەتەلگە شىعۋ شەكتەلگەن.
