«تۇرعىن ۇيلەردى وتكىزۋ قايتا جالعاستىرىلعان كۇننەن باستاپ ساتۋدىڭ جاڭا مەحانيزمى قولدانىلاتىن بولادى, ول تۇرعىن ءۇيدى حالىققا جىلدىق 3%-بەن 12 جىلعا ءبولىپ تولەۋ ارقىلى وتكىزۋدى كوزدەيدى. جاڭا مەحانيزم بويىنشا تۇرعىن ءۇيدى ساتىپ الۋ ءۇشىن ساتىپ الۋشى تولەم قابىلەتتىلىگىن راستاۋى جانە تۇرعىن ءۇي قۇنىنىڭ 20%-نان كەم بولمايتىن مولشەردە باستاپقى جارنا سالۋى كەرەك», - دەپ مالىمدەدى «بايتەرەك دەۆەلوپمەنت» اق باسقارما توراعاسىنىڭ ورىنباسارى اسقاربەك وسەرباەۆ.
ايتا كەتسەك, تۇرعىن ۇيلەردى وتكىزۋدىڭ ءتيىمدى جاڭا مەحانيزمىنىڭ ەنگىزىلۋىنە بايلانىستى 2018 جىلعى 16 قاڭتاردان باستاپ جىلجىمايتىن م ۇلىكتى ساتىپ الۋعا ءوتىنىم قابىلداۋدىڭ ۋاقىتشا توقتاتىلعانى تۋرالى حابارلانعان ەدى.
تولەمدى ءبولىپ تولەۋ مەحانيزمى بويىنشا تەك 1 پاتەر جانە 2-دەن اسپايتىن كولىك تۇراعىنىڭ ورىندارىن ساتىپ الۋعا بولادى. ساتىپ الۋ-ساتۋ شارتى بويىنشا تولەمدى ءبولىپ تولەۋ مەرزىمى ءوتىنىش بەرۋشىنىڭ 70 جاسقا تولۋىمەن شەكتەلەدى», - دەپ اتاپ ءوتتى.
سونىمەن قاتار, ءوتىنىش بەرۋ بۇرىنعىشا Digital Baiterek پورتالى ارقىلى جۇزەگە اسىرىلادى. ءوتىنىش بەرۋشىنىڭ جاڭا مەحانيزمدى تاڭداۋى ءۇشىن «تولەم ءتاسىلى» باعانىندا ء«بولىپ تولەۋ ارقىلى وتكىزۋدى» كورسەتۋى جانە قارجىلاي مۇمكىندىگىنە قاراي باستاپقى جارناسىنىڭ مولشەرىن ءوزى بەلگىلەۋى قاجەت. ءوتىنىش بەرۋشىنىڭ تولەم قابىلەتتىلىگىن ەسەپتەۋ «قازاقستاننىڭ تۇرعىن ءۇي قۇرىلىس جيناق بانكى» اق ەلەكتروندىق پلاتفورماسى ارقىلى جۇزەگە اسىرىلادى.
ايتا كەتسەك, ساتۋعا ۇسىنىلاتىن تۇرعىن ۇيلەردەن 193 پاتەر «7-20-25» باعدارلاماسىنىڭ شارتتارىنا ساي كەلەدى.
