تاراپتار ەكى ەل اراسىنداعى ىنتىماقتاستىقتى, سونىڭ ىشىندە, اۋستريالىق-قازاقستاندىق قاتىناستى دامىتۋدىڭ وزەكتى سۇراقتارىن تالقىلادى.
ءماجىلىس سپيكەرى اۋستريا قازاقستاننىڭ ماڭىزدى ستراتەگيالىق ارىپتەسى ەكەنىن ءسوز ەتە كەلىپ, استانا مەن ۆەنا اراسىنداعى ءوزارا ءىس-قيمىلدى ودان ءارى تەرەڭدەتۋدىڭ ماڭىزدىلىعىنا توقتالدى.
ن. نىعماتۋلين اتاپ وتكەندەي, ديپلوماتيالىق قاتىناس ورناعان 27 جىلدىڭ ىشىندە, ەكى ەلگە ورتاق سەنىمدى ساياسي ديلوگ پەن بەرىك ەكونوميكالىق بايلانىس ورنادى.
وعان قازاقستان پرەزيدەنتى نۇرسۇلتان نازارباەۆ پەن اۋستريا فەندەرالدىق پرەزيدەنتى حاينتس فيشەردىڭ رەسمي ساپارلارى زور سەرپىن بەردى.
پالاتا سپيكەرىنىڭ پىكىرىنشە, اۋستريا بۇگىندە «جاسىل» تەحنولوگيا بويىنشا الەمدىك جەتەكشى ەلدەردىڭ ءبىرى بولىپ سانالادى. قازىرگى ۋاقىتتا قازاقستاندا اۋستريالىق كاپيتالدىڭ قاتىسۋىمەن 150-گە جۋىق كومپانيا جۇمىس ىستەيدى. وسى جولدا ءبىزدىڭ ەلىمىز ەنەرگەتيكا, جاڭا تەحنولوگيا سالاسىندا ىقپالداستىقتى دامىتۋعا ىنتالى.
وسى ورايدا, ەلشى مىرزا ايماقتا جانە قوس مەملەكەت اراسىندا ەكونوميكالىق, مادەني گۋمانيتارلىق بايلانىستاردى كەڭەيتۋدە قازاقستاننىڭ جەتەكشى ءرول اتقاراتىنىن, ءبىزدىڭ ەلدە ەقىۇ ءۇشىن وتە ماڭىزى استانا دەلاراتسيا قابىلدانعانىن اتاپ ءوتتى. جانە قازاقستاننىڭ دا «جاسىل» تەحنولوگيا باعىتىندا الەۋەتى زور ەكەنىن ايتىپ, ءوزارا ىقپالداستىقتى ودان ءارى كۇشەيتۋگە نيەت ءبىلدىردى.
كەزدەسۋ بارىسىندا تاراپتار, بەيىندى كوميتەتتەر مەن پارلامەنتارالىق توپتار شەڭبەرىندە ءىس-ساپارلار ارقىلى زاڭنامالىق تاجىريبە الماسۋدى ودان ءارى ىنتالاندىرۋ توڭىرەگىندە پىكىر الماستى.
