جوبانىڭ ماقساتى الماتى قالاسىنداعى مۋزىكا مەكتەپتەرى وقۋشىلارىنىڭ, ستۋدەنتتەردىڭ جانە ۇستازداردىڭ كاسىبي شەبەرلىكتەرىن ارتتىرۋعا, اقپاراتتىق جانە تاجىريبەلىك كومەك كورسەتۋگە باعىتتالعان.
«قازاقستان كامەراتاسى» كلاسسيكالىق مۋزىكا ءانسامبلى جانە قۇرمانعازى اتىنداعى قازاق ۇلتتىق كونسەرۆاتورياسى شۆەيتساريادان كەلگەن پروفەسسورلاردىڭ قاتىسۋىمەن «حالىقارالىق شەبەرلىك ساعاتى» (سكريپكا) بىرلەسكەن جوباسىن ۇسىنادى.
فەستيۆال قوناقتارى رەتىندە ۆەنا كونسەرۆاتورياسىنىڭ جانە شۆەيتسارياداعى جوعارى مۋزىكا مەكتەبىنىڭ پروفەسسورى پاۆەل ۆەرنيكوۆ, حالىقارالىق بايقاۋلاردىڭ لاۋرەاتى, لوزاننا جوعارى مۋزىكا مەكتەبىنىڭ پروفەسسورى سۆەتلانا ماكاروۆا, «Young Eurasian Soloists» كامەرالىق مۋزىكا وركەسترىنىڭ كوركەمدىك جەتەكشىسى جانە نەگىزىن قالاۋشى شەرنياز مۋساحان, بازەل كونسەرۆاتورياسىنىڭ دوتسەنتى يانا وزولينا ارنايى شاقىرىلىپ وتىر.
حالىقارالىق تاجىريبەدە سكريپكاشىلارعا ارنالعان شەبەرلىك ساعاتتارى العاش رەت كامەرالىق وركەستردىڭ سۇيەمەلدەۋىمەن وتكىزىلمەك.
ايگۇل احانبايقىزى,
«Egemen Qazaqstan»
الماتى
