بۇل فۋتبولشى جايىندا ءبىز بەكەر اڭگىمەلەپ وتىرعان جوقپىز. برازيليانىڭ ەڭ ءىرى قالاسى – سان-پاۋلۋدىڭ تۋماسى ءوز ەلىنىڭ بىرقاتار كومانداسى جانە رەسەيدىڭ «كراسنودارىندا» ونەر كورسەتتى. 2014-2018 جىلدار ارالىعىندا «قايراتتىڭ» نامىسىن قورعادى. الماتىلىق كلۋبتىڭ ساپىندا 130 كەزدەسۋ وتكىزگەن جارتىلاي قورعاۋشى 38 رەت قارسىلاستار قاقپاسىن ءدال كوزدەدى. قازاقستاننىڭ سۋپەركۋبوگىن ەكى مارتە يەلەنىپ, ەل كۋبوگىن ءتورت رەت توبەگە كوتەردى. پرەمەر-ليگادا 4 كۇمىس جانە 1 قولا مەدالدى ولجالادى. ودان كەيىن مالايزيانىڭ «دجوحورىنا» اۋىسسا, كوپ ۇزاماي ماجارستانعا قونىس اۋداردى.
بۇگىن «فەرەنتسۆاروش» كلۋبىنىڭ باسشىلارى مەن يساەل اراسىندا كەلىسسوزدەر جۇرگىزىلدى. ەگەر قوس تاراپ ورتاق مامىلەگە كەلسە, وندا Transfermarkt ۆەب-سايتىندا 2 800 000 ميلليون ەۆروعا باعالانىپ وتىرعان ايتۋلى ازامات ۆەنگريا چەمپيوناتىنداعى ەڭ باعالى فۋتبولشىلاردىڭ كوشىن باستايدى.
عالىم سۇلەيمەن,
«Egemen Qazaqstan»
