وتاننىڭ وتتى قالقانى
سەيسەنبى, 27 قاراشا 2012 7:03
«سارىشاعان» اسكەري پوليگونىندا قازاقستان رەسپۋبليكاسى قارۋلى كۇشتەرى راكەتا اسكەرلەرى مەن ارتيللەريانىڭ «اتىس تولقىنى-2012» وقۋ-جاتتىعۋى بولىپ ءوتتى. قورعانىس ءمينيسترى ادىلبەك جاقسىبەكوۆ جەكە قۇرامنىڭ ارتيللەريادان اتۋ مەن زىمىراندىق سوققى بەرۋ تاپسىرمالارىن ورىنداۋ ءىس-قيمىلدارىن باقىلادى.
سەيسەنبى, 27 قاراشا 2012 7:03
«سارىشاعان» اسكەري پوليگونىندا قازاقستان رەسپۋبليكاسى قارۋلى كۇشتەرى راكەتا اسكەرلەرى مەن ارتيللەريانىڭ «اتىس تولقىنى-2012» وقۋ-جاتتىعۋى بولىپ ءوتتى. قورعانىس ءمينيسترى ادىلبەك جاقسىبەكوۆ جەكە قۇرامنىڭ ارتيللەريادان اتۋ مەن زىمىراندىق سوققى بەرۋ تاپسىرمالارىن ورىنداۋ ءىس-قيمىلدارىن باقىلادى.
جاتتىعۋدىڭ نەگىزگى ماقساتى – ارتيللەريالىق اتۋ قۇرالدارىنىڭ قولدانىلۋ تيىمدىلىگىن ءتاجىريبەلىك-زەرتتەۋ ارقىلى تەكسەرۋ بولىپ تابىلدى. بۇل جولى نىسانا رەتىندە وتەلگە جىبەرىلگەن شىنايى جاۋىنگەرلىك كولىكتەر پايدالانىلدى.
تاجىريبەلىك اتىستارعا راكەتا اسكەرلەرى مەن ارتيللەريا قولباسشىسى, پولكوۆنيك لۇت الشەكەنوۆ باسشىلىق جاسادى. سونداي-اق, جاتتىعۋعا قازاقستاننىڭ قورعانىس ونەركاسىبى كەشەنىنىڭ وكىلدەرى دە قاتىستى.
ارتيللەريالىق بولىمدەردىڭ 400-دەن اسا اسكەري قىزمەتشىسى بىرىكتىرىلگەن مارش وتكىزىپ, بەلگىلەنگەن ۋاقىتتا پوليگونعا شوعىرلاندى.
ەكيپاجداردىڭ, ەسەپتوپتاردىڭ, ۆزۆودتاردىڭ جەكە قۇرامى اتىس شەبىنە شىعىپ, قارۋدى اتۋعا دايىنداۋ ءنورماتيۆىن ورىندادى. سوسىن ناقتى اتىس جۇرگىزدى.
راكەتا اسكەرلەرى مەن ارتيللەريا – قۇرلىق اسكەرلەرىنىڭ باستى قۋاتتى كۇشى. ارتيللەرياشىلار مەن راكەتشىلەر قارسىلاسپەن ۇرىس ءجۇرگىزۋدە باستى تاپسىرمالاردى ورىندايدى.
جاتتىعۋ سوڭىندا قورعانىس ۆەدومستۆوسىنىڭ باسشىسى ەڭ ۇزدىك اسكەري قىزمەتشىلەردى جاۋىنگەرلىك وقۋداعى جاقسى كورسەتكىشتەرى ءۇشىن اتاۋلى ساعاتتارمەن ماراپاتتادى. قازىرگى تاڭدا ارتيللەرياشىلار مەن زىمىرانشىلار وزدەرىنىڭ اسكەري شەبەرلىگىن جەتىلدىرۋ ماقساتىندا جەكە قۇراممەن اتۋ تاكتيكالىق وقۋلارىن ۇدايى وتكىزىپ تۇرادى.
– وفيتسەرلەردىڭ كاسىبي دايىندىعىن ارتتىرۋ ماقساتىندا ءارتۇرلى وقىتۋ ادىستەرى مەن تاسىلدەرى قولدانىلادى, – دەدى قورعانىس مينيسترى ادىلبەك جاقسىبەكوۆ. – وقىتۋدىڭ ءتيىمدى ءتۇرى – ديۆيزيون كومانديرلەرىنىڭ دالالىق جاعدايداعى بىلىكتىلىگىن ارتتىرۋ, ارميانى زاماناۋي جاۋىنگەرلىك تەحنيكامەن جابدىقتاۋ جوعارعى باس قولباسشىنىڭ بىزگە قويعان باستى تاپسىرمالارىنىڭ ءبىرى بولىپ تابىلادى.
اتالمىش شارا بۇل اسكەرلەر تەگىنىڭ جوعارى, ساپالى دارەجەگە جەتكەنىن كورسەتتى, – دەپ حابارلادى قورعانىس مينيسترلىگىنىڭ ءباسپاسوز قىزمەتى.
——————————————–
سۋرەتتەردى تۇسىرگەن ەرمەك سارباسوۆ.
