جارىستىڭ رەسمي اشىلۋ سالتاناتى شىمكەنت قالاسىندا ءوتتى. ءدۇبىرلى دودادا ەلىمىزدىڭ 11 وڭىرىنەن 90 سپورتشى شەبەرلىك بايقاستى. ەلوردالىقتار شورت-ترەك جارىسىندا العاش رەت ۇزدىك ناتيجە كورسەتىپ, رەسپۋبليكالىق جارىستا جەڭىمپاز اتاندى.
ءبىرىنشى جارىس كۇنىنىڭ قورىتىندىسى بويىنشا 1500 مەتر قاشىقتىقتا سانجار جانيسوۆ «التىن» مەدالعا قول سوزسا, قىزدار اراسىندا وسى ديستانتسيادا ىڭكار نۇرلانوۆا استانا قۇراما كومانداسىنىڭ قورجىنىنا كۇمىس مەدال سالدى.
كەلەسى كۇنى 500 مەتر قاشىقتىققا كونكيمەن جۇگىرۋدە سپورتشىلار, سايكەسىنشە ءبىرىنشى جانە ءۇشىنشى ورىندارعا يە بولدى. ال ەستافەتا فينالىندا قىزدار 4-ورىنعا تۇراقتاسا, ۇلدار باستى سىنعا جولداما الدى. «شورت-ترەكتەن 1000 مەتر قاشىقتىققا جۇگىرۋدە ۇلدار اراسىندا ايبەك ناسەن التىن, سانجار جانيسوۆ كۇمىس جۇلدەگە قول جەتكىزدى. 1500 مەترلىك ديستانتسيادا سۋپەرفينالدا سانجار جانيسوۆ پەن ايبەك ناسەن سايكەسىنشە, التىن جانە كۇمىس مەدالدى ەنشىلەدى» دەپ مالىمدەدى مادەنيەت جانە سپورت باسقارماسىندا.
ءىىى قازاقستان رەسپۋبليكاسىنىڭ قىسقى جاستار ويىندارىندا ءساتتى ونەر كورسەتكەن استانالىق قۇراما كوماندا جالپى كوماندالىق ەسەپتە ءبىرىنشى ورىن الدى. الماتى قالاسى ەكىنشى, قوستاناي وبلىسىنىڭ سپورتشىلارى ءۇشىنشى ورىنعا تابان تىرەدى. قازاقستان رەسپۋبليكاسىنىڭ قىسقى جاستار ويىندارى – ءتورت جىلدا ءبىر رەت وتەتىن كەشەندى جارىس.
