بۇگىن تالدىقورعان قالاسىندا «جاستار. جىگەر. جاڭعىرۋ» دەگەن اتپەن ايماقتاعى جاستار جىلىنىڭ تۇساۋكەسەر ءراسىمى ءوتتى.
- استانادا جاستار جىلىنا ارنالعان اۋقىمدى فورۋم ءوتتى. جاستار جىلى رەسمي باستاۋ الىپ, جيىندا مەملەكەت باسشىسى جىل كولەمىندە اتقارىلۋى ءتيىس بىرقاتار تاپسىرمالار بەردى. بۇل ەلباسىنىڭ تىكەلەي جاستاردى قولداۋعا, جاستاردى جاڭا ءداۋىردىڭ جارشىسى, مەملەكەتىمىزدىڭ بولاشاعى رەتىندە نەگىزگى قوزعاۋشى كۇشى ەكەندىگىن جان-جاقتى جەتە ءتۇسىنۋىنىڭ ناتيجەسى دەۋ كەرەك. جالپى بۇگىنگى جاستاردىڭ بىلىمگە, ەڭبەككە دەگەن قۇشتارلىعى, شەت تىلدەرىن مەڭگەرۋگە, يننوۆاتسيانى ۇيرەنۋگە, جاڭا جوبالار ازىرلەۋگە دەگەن تالپىنىستارى مەنى قۋانتادى. ەلباسى باستاماشى بولىپ قولعا العان وسى ءبىر تاماشا جىلدىڭ ويداعىداي, اسىرەسە جاستارىمىزدىڭ كوڭىلىنەن شىعاتىنداي ءوتۋى ءۇشىن اتسالىسۋ بارشامىزدىڭ ازاماتتىق پارىزىمىز دەپ بىلەمىن, - دەدى جيىندا وبلىس اكىمى اماندىق باتالوۆ.
اكىم جاستار جىلىنا وراي «جەتىسۋ جاستارىنىڭ جارقىن ىستەرى» اتتى جۇمىس جوسپارى بەكىتىلگەنىن ايتىپ, اۋدان ورتالىقتارىندا جاستارعا قىزمەت كورسەتۋ ورتالىقتارى اشىلاتىنىن ايتتى. سونداي-اق, «بەس الەۋمەتتىك باستاما» اياسىندا 2018-2019 وقۋ جىلىنا جەرگىلىكتى بيۋدجەتتەن 106 گرانت بولىنگەنىن, جۇمىسشى جاستاردى باسپانامەن قامتۋ نازاردا بولاتىنى, ول ءۇشىن «7-20-25» مەملەكەتتىك باعدارلاماسى شەڭبەرىندە سۋبتسيديالاۋ جۇمىستارى قولعا الىنعانى دا جاستارمەن كەزدەسۋدە جاريا بولدى.
قالماحانبەت مۇقامەتقالي,
«Egemen Qazaqstan»
الماتى وبلىسى
