«وسىنداي ماڭىزدى جارىستى قازاقستاندا وتكىزۋگە سەنىپ تاپسىرعاندارى ءۇشىن حالىقارالىق دزيۋدو فەدەراتسياسىنا العىس ايتامىز. وزدەرىڭىز بىلەتىندەي, قازاقستان دزيۋدودان الەمدىك ارەنادا وزىندىك ورنىن قالىپتاستىرعان بەدەلدى ەل بولىپ سانالادى. وسىعان دەيىن ەرەسەكتەر اراسىندا گران پري, «Masters», سونداي-اق, الەم چەمپيوناتى سىندى الەمدىك ءىرى جارىستاردى ابىرويمەن وتكىزدى. 2019 جىل مەملەكەت باسشىسىنىڭ ۇسىنىسىمەن «جاستار جىلى» بولىپ جاريالانعانىن بىلەسىزدەر. ەلباسىمىز ايتپاقشى, ءبىزدىڭ بولاشاعىمىز - جاستار, ءجاسوسپىرىم بۋىن بولعاندىقتان, جاسوسپىرىمدەر اراسىنداعى الەم چەمپيوناتىنىڭ ءرولى ءبىز ءۇشىن – ماڭىزدى. بۇل ءبىزدىڭ كىشكەنتاي سپورتشىلارىمىزدىڭ شەبەرلىكتەرىن شىڭداپ, ەلىمىزدە بالالار اراسىندا دزيۋدونىڭ دامۋىنا زور ۇلەس قوسادى. سونىمەن قاتار, بولاشاقتا ەل نامىسىن ابرويمەن قورعايتىن سپورتشىلاردى دايىنداۋدا كومەگىن تيگىزەدى دەپ ويلايمىن», - دەيدى قازاقستان دزيۋدو فەدەراتسياسىنىڭ باس حاتشىسى اسحات جيتكەەۆ.
ايتا كەتەرلىگى, دزيۋدودان جاسوسپىرىمدەر اراسىنداعى الەم چەمپيوناتىن وتكىزۋگە الماتىمەن (قازاقستان) قاتار, ۇلان-باتىر (موڭعوليا) مەن ابۋ-دابي ء(باا) قالالارى ۇمىتكەر بولعان.
