مەملەكەتتىك ورگاندارداعى جەمقورلىقتى جويۋ, قوعامدىق باقىلاۋدى ىسكە اسىرۋ, جەمقورلىققا قارسى مادەنيەتتى قالىپتاستىرۋ, بيلىك ينستيتۋتتارىنا دەگەن ازاماتتاردىڭ سەنىمىن ارتتىرۋ بويىنشا جۇمىستاردى ۇيلەستىرۋ, سونداي-اق جەكەلەگەن ازاماتتار مەن بيزنەس ءۇشىن كەدەرگىسىز ءارى قولايلى جاعداي جاساۋدى ماقسات ەتە وتىرىپ قۇرىلعان جوبا بيىلعى جىلعى جۇمىسىن باستاپ كەتتى. وسى ورايدا «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فيليالى, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى «الماتى – ادالدىق الاڭى» جوبالىق وفيسىمەن بىرلەسىپ №5 حقو ورتالىعىندا ارنايى بريفينگ وتكىزدى.
«ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى بويىنشا فيليالىنىڭ ديرەكتورى عالىم قارقىنباەۆ تسيفرلاندىرۋ جوبالارى اشىقتىقتى قامتاماسىز ەتۋ, سىبايلاس جەمقورلىققا اپاراتىن جاعدايلاردى بولدىرماۋمەن قاتار قىزمەت كورسەتۋ ساپاسىن ارتتىرۋعا نەگىزدەلگەنىنە توقتالىپ, ازاماتتاردىڭ ەلەكتروندىق قىزمەتتەردى پايدالانۋ دەڭگەيىن ارتتىرۋ ماقساتىندا فرونت-وفيستەردە كەڭ اۋقىمدى جاڭارتۋ جۇمىستارىنىڭ جۇرگىزىلىپ جاتقاندىعىنان حاباردار ەتتى. فرونت-وفيستەگى جۇمىس ايماعىنىڭ 60 پايىزىندا ءتيىستى قۇجاتتاردى ازاماتتاردىڭ وزدىگىنەن الۋ مۇمكىندىگى قاراستىرىلعان.
بۇگىندە الماتى قالاسىندا 15 فرونت-وفيس جۇمىس ىستەيتىن بولسا, ونىڭ 5-ءۋى مامانداندىرىلعان قىزمەت كورسەتۋ ورتالىقتارى. ونداعى تسيفرلىق الاڭىندا 1,588 ملن استام ازاماتقا وزدىگىنەن قىزمەت الۋ ءتارتىبى كورسەتىلىپ, وتكەن جىلدىڭ 12 ايىندا «ازاماتتارعا ارنالعان ۇكىمەت» مەملەكەتتىك كورپوراتسياسى الماتى فيليالى كورسەتكەن 3,6 ملن. مەملەكەتتىك قىزمەتتىڭ 40 پايىزى ەلەكتروندى جۇيە ارقىلى جۇزەگە اسقان. مەملەكەتتىك قىزمەتتەر رەەسترىندەگى 752 قىزمەتتىڭ 621-ءى, ياعني 81 پايىزى مەملەكەتتىك كورپوراتسيا ارقىلى قولجەتىمدى بولسا, ونىڭ 506-ىن ەلەكتروندى نۇسقادا الۋعا بولادى.
ەلۆيرا سەرىكقىزى,
«ەqemen Qazaqstan»
الماتى
