«كونترافاكتىلىك ونىمدەردەن قورعاۋ, بيزنەستىڭ باسەكەلەستىك جاعدايلارىن تەڭەستىرۋ جانە كولەڭكەلى ەكونوميكا كولەمىن قىسقارتۋ ماقساتىندا تاۋارلاردى تاڭبالاۋ جانە قاداعالاۋ جۇيەسىن قۇرۋ بويىنشا جۇمىس جۇرگىزىلۋدە. تەرى بۇيىمدارىن تاڭبالاۋ بويىنشا قاناتقاقتى جوبا جۇرگىزىلدى. ونىڭ وڭ ناتيجەلەرىن كورىپ وتىرمىز, ياعني 250 مىڭنان استام تەرى بۇيىمدارى تاڭبالانعان. تەرى بۇيىمدارىن دەكلاراتسيالايتىن يمپورتتاۋشىلاردىڭ سانى 40 پايىزعا ءوستى», دەدى ءا. سمايىلوۆ.
قارجى ءمينيسترى اتقارىلعان شارالاردىڭ ناتيجەسىندە تابىستى تومەندەتىپ كورسەتەتىن سالىق تولەۋشىلەر انىقتالعانىن ايتتى.
«پاتەنت نەگىزىندە قىزمەتىن جۇزەگە اسىراتىن سۋبەكتىلەر سانى 13 ەسەگە قىسقاردى (247-دەن 19-عا دەيىن). يمپورت بويىنشا كەدەندىك باجدار مەن سالىقتار تۇسىمدەرى 1,5 ەسەگە ءوستى (372 ملن تەڭگەدەن 516 ملن تەڭگەگە دەيىن)».
«2018 جىلدىڭ قازانىنان باستاپ تەمەكى ونىمدەرىن تاڭبالاۋ بويىنشا العاشقى شارالار باستالدى. بيىل دارىلىك زاتتاردى تاڭبالاۋ بويىنشا العاشقى جۇمىستار باستالادى. وسى باعىتتاعى جۇمىس «ەۋرازيالىق ەكونوميكالىق وداقتا تاۋارلاردى سايكەستەندىرۋ قۇرالدارىمەن تاڭبالاۋ تۋرالى» كەلىسىمدى راتيفيكاتسيالاۋ كەزىندە دەپۋتاتتاردىڭ ەسكەرتۋلەرى مەن ۇسىنىستارىن قاراي وتىرىپ جالعاسادى», دەدى ءاليحان سمايىلوۆ.
