بوكس • 28 قاڭتار، 2019

سادريددين احمەدوۆ BoxRec رەيتينگىندە 116 ساتىعا جوعارىلادى

364 رەتكورسەتىلدى

20 جاستاعى قازاقستاندىق كاسىپقوي بوكسشى سادريددين احمەدوۆ (7-0، 7 كو) WBC تۇجىرىمى بويىنشا جاستار اراسىنداعى بەلبەۋدى جەڭىپ العاننان سوڭ الەمدىك رەيتينگتە ءبىرشاما جوعارىلادى.

كانادانىڭ مونرەال قالاسىندا وتكەن بوكس كەشىندە شارشى الاڭعا شىققان ول مەكسيكالىق بوكسشى ابراحام حۋارەسپەن (12-1، 4 KO) جۇدىرىقتاسىپ، كەزدەسۋدىڭ ءتورتىنشى راۋندىندا تەحنيكالىق نوكاۋتپەن جەڭىسكە جەتتى. احمەدوۆ بۇل جەڭىسىنەن سوڭ جاستار اراسىنداعى WBC بەلدىگىن يەلەنىپ قانا قويماي، الەمدىك BoxRec سايتىنىڭ رەيتينگىندە 116 ساتى جوعارىلاپ، ءوز سالماق دارەجەسىندە 85-ورىنعا جايعاستى. قارسىلاسى 103 ساتى تومەن سىرعىپ، 206-ورىنعا تابان تىرەدى.

BoxRec سايتىنىڭ مالىمەتى بويىنشا، ءبىرىنشى ورتا سالماقتا الەم بويىنشا 1850 بوكسشى بار. رەيتينگتىڭ كوشىن WBO تۇجىرىمىنىڭ چەمپيونى مەكسيكالىق حايمە مۋنگۋيا (32-0، 26 كو) باستاپ تۇر. ال قازاقستان بويىنشا بۇل سالماقتا 26 جاستاعى نۇرسۇلتان جاڭاباەۆ (6-0، 4 كو) ءبىرىنشى ورىندا. ول رەيتينگتە 80-ساتىعا جايعاسقان. جاڭاباەۆ قازىرگى تاڭدا WBC Asia ايماقتىق بەلبەۋىنىڭ يەگەرى.

ءالي بيتورە،

«Egemen Qazaqstan»

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار