«الەمنىڭ ەڭ دامىعان 30 مەملەكەتىنە جىلدام كىرۋى ءۇشىن وزىق تەحنولوگيالاردى, يننوۆاتسيالاردى جانە تسيفرلاندىرۋدى ەنگىزۋ قاجەت. بۇل مىندەتتى بۇگىن جاستار تابىستى اتقارا الادى. مەملەكەت باسشىسى جاستار جىلىن سىزدەرگە مۇمكىندىگىنشە جەكە دامۋ ءۇشىن, جەتىستىككە جەتۋ مۇمكىندىگىن بەرۋ ءۇشىن جاريالادى. بيىلعى جىلى سىزدەر مىندەتتى تۇردە ءتيىمدى پايدالانۋ ءۇشىن كوپتەگەن مۇمكىندىكتەر پايدا بولادى. ۋاقىتتى بوسقا جۇمساماڭىزدار. بۇل ۋاقىت وتە قىسقا, جاستىقتى بوسقا وتكىزىپ العان ادامدار ءومىرىنىڭ قالعان ۋاقىتىندا وكىنەدى», - دەدى بەردىبەك ساپارباەۆ كەزدەسۋدى اشۋ ساتىندە.
بەلگىلى بولعانداي, بۇگىندە جاستار جىلىنىڭ اقتوبە وبلىسى بويىنشا ءىس-شارالار جوسپارى جاسالدى, ول 2018 جىلعى قاراشاداعى «جاس بارىس» ءبىرىنشى ايماقتىق فورۋمىندا جاريالانعان وسكەلەڭ ۇرپاق وكىلدەرىنىڭ ۇسىنىستارى مەن يدەيالارىنىڭ نەگىزىندە بولدى. جوسپار بويىنشا وبلىستا 300-دەن استام ءىس-شارالار جۇزەگە اسىرىلادى. ولاردىڭ بارلىعى ەل پرەزيدەنتىنىڭ قويعان تۇرعىن ءۇي, جۇمىسپەن قامتۋ, كاسىپتىك ءبىلىم الۋعا قول جەتكىزۋ, جاستار كاسىپكەرلىگىن قولداۋ, ۆولونتەرلىك قىزمەتتى جانداندىرۋ, پاتريوتتىق ۇيىمداردى نىعايتۋ جانە تاعى باسقالارمەن جاستاردى قامتاماسىز ەتۋ مىندەتتەرىن شەشۋگە باعىتتالعان.
«جوسپار ازىرلەندى, بىراق ءبىز جۇمىس ىستەيتىن جاندى باعدارلاما بولۋ ءۇشىن وعان جاڭا يدەيالار ەنگىزۋىمىز كەرەك. سول سەبەپتى بۇگىن سىزدەردى, ياعني وبلىستىڭ بەلسەندى جاستارىن, جاس كاسىپكەرلەردى, ءتۇرلى سالالاردىڭ ماماندارىن, ستۋدەنتتەرىن جينادىق. وتانىمىزدىڭ دامۋىنا ەلەۋلى ۇلەس قوسقان اعا ۇرپاقتىڭ وكىلدەرى دە سىزدەرمەن بىرگە ومىرلىك تاجىريبەلەرىمەن ءبولىسۋ ءۇشىن شاقىرىلدى. ەلباسى تاپسىرمالارىن ورىنداۋ ءبىزدىڭ ورتاق ماقساتىمىز», - دەپ اتاپ ءوتتى بەردىبەك ساپارباەۆ.
جاستار جىلىنىڭ ءىس-شارالار جوسپارىن جۇزەگە اسىرۋ بەلسەندى كەزەڭگە ەندى. ماسەلەن, جاستاردى تۇرعىن ۇيمەن قامتاماسىز ەتۋ ءۇشىن بىرەگەي باعدارلاما ىسكە قوسىلدى, وعان سايكەس وبلىستىڭ 29 جاسقا دەيىنگى تۇرعىندارى الدىن الا جارناسى 350 مىڭ تەڭگە جانە اي سايىنعى تولەمى 35 مىڭ تەڭگە بولاتىن ءبىر بولمەلى پاتەردى ساتىپ الا الادى. وبلىس اكىمىنىڭ ايتۋىنشا, جىل ىشىندە جاستارعا ءتۇرلى مەملەكەتتىك باعدارلامالار اياسىندا كەم دەگەندە 1 000 جەڭىلدەتىلگەن پاتەرلەر سالىنادى.
وبلىس اكىمى سونداي-اق, جۇمىسپەن قامتۋ ماقساتىندا كەم دەگەندە 10 مىڭ جاڭا جۇمىس ورنى اشىلاتىنىن, 800 ادام «بيزنەس باستاۋ» جوباسى بويىنشا كاسىپكەرلىك نەگىزدەرىنە وقىتىلاتىنىن, ولاردىڭ كوپشىلىگى بيزنەس-جوبالارىن قورعاعان سوڭ ولاردى جۇزەگە اسىرۋعا قولايلى نەسيەلەر مەن قايتارىمسىز گرانت الۋعا جانە مۇمكىندىك الاتىندارىن. جاستاردىڭ كاسىپكەرلىك باستاماسىن قولداۋ ءۇشىن ستارتاپتاردى قارجىلاندىرۋعا 40 ملن. تەڭگە ءبولىنىپ, «ەڭبەك» باعدارلاماسى بويىنشا جەڭىلدەتىلگەن شاعىن نەسيە بەرىلەدى جانە ءارتۇرلى كوزدەردەن گرانت قاراجاتى تارتىلادى.
«پرەزيدەنتتىڭ تاعى ءبىر تاپسىرماسى - جوعارى ساپالى كاسىبي ءبىلىم بەرۋ. ءبىزدىڭ وبلىستا زاماناۋي اقپاراتتىق تەحنولوگيالار, يننوۆاتسيالار, تسيفرلىق باعدارلامالار سالاسىنداعى مامانداردى دايىندايتىن تىرەك ۋنيۆەرسيتەت بولىپ ق.جۇبانوۆ اتىنداعى ءاومۋ انىقتالدى. سونداي-اق, مەملەكەت باسشىسىنىڭ تاپسىرماسىنا سايكەس 10 كوللەدج حالىقارالىق ستاندارتتارعا تولىعىمەن سايكەس كەلۋ ءۇشىن جاڭعىرتىلاتىن بولادى. اتالمىش وقۋ ورىندارىندا قازىرگى زامانعى الەمدە سۇرانىسقا يە كەم دەگەندە 7 جاڭا ماماندىق اشىلادى. مەكتەپتەردە بىلتىر بالالار جىلى باستالعان «باقىتتى بالا» جوباسى اياسىنداعى ءبىلىم بەرۋدى جەتىلدىرۋ, IT-كلاسستارىن اشۋ بويىنشا اۋقىمدى جۇمىستى جالعاسادى. جالپى العاندا, «باقىتتى بالا» جوباسى بىزگە جاستار جىلىنىڭ باستامالارىن ءساتتى جۇزەگە اسىرۋ ءۇشىن كەرەمەت الاڭ قۇرۋىمىزعا مۇمكىندىك بەردى», - دەدى وبلىس اكىمى.
ايماق باسشىسى كەزدەسۋ بارىسىندا جەتىم جانە اتا-اناسىنىڭ قامقورلىعىنسىز قالعان بالالارعا, جۇمىسشى جاستارعا, ەرىكتىلەر قوزعالىسىن دامىتۋعا جانە سپورتتىق ينفراقۇرىلىمعا (سپورت الاڭدارىن, كوشەدەگى جاتتىعۋ الاڭدارىنا) ەركىن كىرۋگە كوپ كوڭىل بولىنەتىنىن مالىمدەدى.
«جەتىم بالالار, جۇمىسشى جاستار تۇرعىن ۇيمەن, تەگىن كاسىپتىك بىلىممەن مۇمكىندىگىنشە قامتاماسىز ەتىلۋ كەرەك, سونىمەن قاتار, جاستاردىڭ قۇقىقتارىن قورعاۋ ءۇشىن بارلىق سالالاردا جاستار كوميتەتتەرى قۇرىلۋى ءتيىس. ەلباسى ۆولونتەرلىك قوزعالىستى دامىتۋ مىندەتىن قويدى. ءبىزدىڭ ءوڭىردىڭ ەرىكتىلەرى وتە بەلسەندى, سىزدەردى ماقتانىشپەن ايتۋعا بولادى, جارايسىزدار. ءبىز پرەزيدەنتتىڭ تاپسىرماسى بويىنشا بارلىق وقۋ ورىندارىندا ستيپەنديالارىڭىزدىڭ 30%-عا ارتۋىن قاداعالايمىز. بۇدان باسقا, ايماقتاعى ەرىكتىلەردىڭ كورپۋسى قۇرىلادى, ءبىز ونى قارجىلاندىرۋعا دايىنبىز. ءبىز ساپالى دەمالىستى قامتاماسىز ەتۋ ءۇشىن مادەني جانە سپورتتىق نىسانداردىڭ جەلىسىن كەڭەيتۋدى جالعاستىرامىز. قازىر بىزدە سىزدەر ءۇشىن ەسىگى ءاردايىم اشىق تۇراتىن قىزىقتى, بىرەگەي سپورت جانە مادەني نىساندار بار. سول جەرلەرگە بارىڭىزدار, ءوزىڭىزدىڭ مۇمكىندىگىڭىزدى ىسكە اسىرىڭىزدار. ەڭ باستىسى - ۋاقىتتى بوسقا كەتىرمەڭىزدەر», - دەدى بەردىبەك ساپارباەۆ جاستارعا.
اتاپ وتەيىك, اقتوبە وبلىسىنىڭ جالپى حالقىنىڭ تورتتەن ءبىر بولىگى نەمەسە 208 مىڭنان استام ادام - 14-29 جاس ارالىعىنداعى جاستار. وبلىس اكىمى ولاردىڭ بىردە-ءبىرى جاستار جىلىنىڭ ارتىقشىلىعىمەن قامتىلماي قالمايتىنىن اتاپ ءوتتى.
«بۇگىنگى كەزدەسۋگە ايماقتىڭ ەڭ بەلسەندى جاستارى - ەرىكتىلەر, جاستار ءىسى جونىندەگى كوميتەتتەردىڭ توراعالارى, جاس كاسىپكەرلەر مەن ءارتۇرلى سالاداعى ماماندار, جۇمىسشى جاستار قاتىسۋدا. سىزدەر جاستارمەن تىكەلەي جۇمىس جاسايسىزدار, مەملەكەتتىك جاستار ساياساتىنىڭ جولباسشىسى بولىپ تابىلاسىزدار, سوندىقتان سىزدەردىڭ بەلسەندى قوعامدىق قىزمەتتەرىڭىز پرەزيدەنتىمىزدىڭ ءورشىل مىندەتتەرىن جۇزەگە اسىرۋ ءۇشىن وتە ماڭىزدى», - دەدى كەزدەسۋدى تۇيىندەگەن وبلىس اكىمى.
