سوڭعى ءۇش جىلدا 1900 شاقىرىم جول جوندەلگەن. بىلتىر جولداردى قالپىنا كەلتىرۋگە 21 ميلليارد تەڭگە باعىتتالعان. اتقارىلعان جۇمىستاردىڭ ناتيجەسىندە جاقسى جانە قاناعاتتانارلىق جاعدايداعى جولداردىڭ ۇلەسى 61 پروتسەنتكە جەتكەن.
دەسەك تە, شالعايداعى ەلدى مەكەندەرگە تارتىلعان جولدىڭ ساپاسى ءالى دە كوڭىل كونشىتپەيدى. جاۋاپتى ۋچاسكەلەر سەنىپ تاپسىرىلعان مەردىگەرلىك كومپانيالار تاراپىنان دا ەلەۋلى كەمشىلىكتەر كەزدەسەدى. جولاۋشىلار كولىگى جانە اۆتوموبيل جولدارى باسقارماسىنىڭ مالىمەتى بويىنشا 2937 شاقىرىم جول جوندەۋدى قاجەت ەتەدى. سوعان سايكەس بيىل 705 شاقىرىم جول جوندەۋدەن وتەدى. بۇل ماقساتقا رەكوردتىق قاراجات جۇمسالماق.
«بيىل جولداردى جوندەۋگە 37 ميلليارد تەڭگە قاراستىرىلادى. بۇرىن جولداردى جوندەۋگە مۇنداي قارجى بولىنبەيتىن»», دەيدى ايماق باسشىسى دەدى قۇمار اقساقالوۆ.
سوڭعى 3 جىلدا جولداردى جوندەۋ 62 مىڭ تۇرعىنى بار 128 ەلدى مەكەندى قامتىسا, وبلىستىڭ 2019-2021 جىلدارعا ارنالعان الەۋمەتتىك-ەكونوميكالىق كەشەندى دامۋ جوسپارىنا وراي 62,8 ميلليارد تەڭگە جۇمساۋ قاراستىرىلعان. سوندا جاقسى جانە قاناعاتتانارلىق دارەجەدەگى جولداردىڭ ۇلەسى 73 پروتسەنتكە دەيىن ارتادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
