«جەلمەن جارىسقان جۇيرىكتى قولعا ۇيرەتۋ ارقىلى اتا-بابامىزدىڭ ادامزات وركەنيەتىنە ۇلەس قوسقانى بەلگىلى. «ەر قاناتى – ات» دەپ بىلگەن الاش بالاسى ءار ءسوزىنىڭ استارىن اتپەن ساباقتايدى. ايتار ويىن جىلقىمەن بايلانىستىرا بەينەلەيدى.
قۇرىق تيمەگەن اساۋدى قۇلاقتان باسۋ – جىگىتتىڭ جىگىتىنىڭ عانا قولىنان كەلەتىن دۇنيە. جىلقى مالىنا قۇرىق سالعان جىگىتتەرگە اۋداندىق جاستارمەن جۇمىس جونىندەگى رەسۋرس ورتالىعىنىڭ باسشىسى ەلدار امانتاەۆ سىيلىقتار تابىس ەتتى.
– بۇگىنگى سايىس جىلقىنىڭ ۇلتتىق رۋحانياتقا, قازاقى جادىعا, حالىقتىق ساناعا اينالىپ كەتكەن ءبىر كورىنىسى. ەندى قازاق حالقى ءۇشىن ارعىماققا التىندى ەر سالىپ, شاپ ايىلدى بەرىك تارتىپ, ەكى تىزگىن, ءبىر شىلبىردى قولعا الىپ, اتقا قونار ءسات كەلدى, – دەيدى سايىس سوڭىندا سۋلىكول وكرۋگىنىڭ اكىمى ب.مۇسا.
مارالبەك امانتاەۆ,
قاراتوبە اۋداندىق جاستارمەن جۇمىس جونىندەگى رەسۋرستىق ورتالىعىنىڭ مامانى
باتىس قازاقستان وبلىسى
