ەندى وسى ۇسىنىستار, ەلباسى تاپسىرعانداي ناقتى ىسكە اسسا, ءبىرشاما ناتيجە بولاتىن سياقتى.
مەن ءوزى ادەبيەت سالاسىنىڭ وكىلى بولعاندىقتان, جيىندا سەمەيلىك زامانداسىم, جاس اقىن مەرەي قارتتىڭ قازاقستاندا ادەبيەت اكادەمياسىن قۇرۋدى قولداۋ تۋرالى باستاماسىن قۋانا قۇپتايمىن. ول ۇسىنىس بۇعان دەيىن استانادا وتكەن جاستار فورۋمىندا, قازاقستان جازۋشىلار وداعى باسقارما توراعاسىنىڭ ءبىرىنشى ورىنباسارى اقبەرەن ەلگەزەك تاراپىنان ايتىلىپ, جاستار اراسىندا كەڭىن قولداۋعا يە بولعان ەدى. ەندى بۇل ماسەلەگە مەملەكەتتىك تۇرعىدا كوڭىل ءبولىنىپ, شەشىمىن تاۋىپ جاتسا, نەگە قۋانباسقا؟
جالپى, ادەبيەت دەگەنىمىز – الما-ماتەر, يدەيالار لوكوموتيۆى. ادەبيەت جانە ونىڭ جانرلارى تۋدىرعان يدەيالار بارلىق گۋمانيتارلىق, عىلىمي-تەxنيكالىق پروگرەستىڭ قاينار باستاۋىندا تۇر.
سوندىقتان اكادەميانىڭ قۇرىلۋىن قولدايمىن! ادەبيەت اكادەمياسى – جاڭا يدەيالار اكادەمياسى, جاڭا قازاقستاندىق رۋxاني-ەستەتيكالىق مودەلدىڭ ارقاۋى بولادى دەپ ويلايمىن.
ەرلان ءجۇنىس,
اقىن, قازاقستان جازۋشىلار وداعى الماتى وبلىستىق فيليالىنىڭ جەتەكشىسى
