استانادا مەملەكەت باسشىسىنىڭ قاتىسۋىمەن ءار ايماقتان جينالعان بەلسەندى جاستاردىڭ باسى قوسىلىپ, جاستار جىلىنىڭ اشىلۋ سالتاناتى ءوتتى.
جاستار جىلىندا ءالى كۇنگە دەيىن ماسىلدىق پيعىلىمەن «نە بولادى؟, نە بەرەدى؟» دەگەن جاستار كوپ. بۇل دۇرىس ەمەس. وسى ۋاقىتقا دەيىن جاستارعا بارلىق جاعداي جاسالىنىپ كەلدى. ءالى دە جاسالىنا بەرەدى. پايدالانا بىلگەن جاسقا ەلىمىزدە بارلىق مۇمكىندىك بار.
ەلباسى جاستارعا جالعىزباستى, ناۋقاس جاندارعا قايىرىمدىلىق تانىتۋ قاجەت ەكەنىن ايتىپ ءوتتى. بۇگىندە ەرىكتىلەردىڭ جەتەكشىسى رەتىندە ءبىرشاما قايىرىمدىلىق شارالارىن اتقارىپ كەلەمىز. جانە بۇدان كەيىن دە سىر جاستارىن جاقسىلىق, قايىرلى ءىس جاساۋعا شاقىرامىز. سونداي-اق ەلباسى قايىرىمدىلىقپەن اينالىساتىن ەرىكتىلەردىڭ شاكىرتاقىسى 30 پايىزعا كوبەيەتىنىن دە باسا ايتتى. بۇل جاستارعا ۇلكەن قولداۋ دەپ بىلەمىن.
بىزگە, جاستارعا, ارتار سەنىم دە, جاۋاپكەرشىلىك تە ۇلكەن. سوندىقتان ەلباسىنىڭ سوزىمەن ايتساق, ءبىز, جاستار, وتانىمىزدا جۇزەگە اسىرىلىپ جاتقان بارلىق ۇدەرىستەرگە اتسالىسۋىمىز قاجەت.
ساعاتبەك سيۋوۆ,
«جىلى جۇرەك جاستار» ەرىكتىلەر توبىنىڭ جەتەكشىسى
قىزىلوردا وبلىسى
