استانا قالاسى پوليتسيا دەپارتامەنتىنىڭ باسپاسوز قىزمەتىندە بەلگىلى بولعانداي, 24-26 قاڭتار ارالىعىندا پوليتسيا قىزمەتكەرلەرى قالادا «تسۆەتمەت» تەكسەرۋ ءىس-شارالارىن جۇرگىزۋدە.
جەرگىلىكتى پوليتسيا قىزمەتى باسقارماسىنىڭ قىزمەتكەرلەرى استانا قالاسى پد كريمينالدى پوليتسيا باسقارماسى قىزمەتكەرلەرىمەن بىرلەسىپ, ۇرلانعان كابەلدەردى, اككۋمۋلياتورلاردى, كاناليزاتسيالىق ليۋك قاقپاقتارىن, قۇرىلىس ماتەريالدارى مەن قارا جانە ءتۇستى مەتاللداردى قابىلدايتىن ورىنداردى انىقتاۋ ماقساتىندا رەيدتىك شارالاردى جۇرگىزىپ جاتىر.
«وتكەن تاۋلىكتە پوليتسيا قىزمەتكەرلەرى مەتالل قابىلداناتىن 30-عا جۋىق ورىندى تەكسەردى. تەكسەرىس جۇمىستارىنىڭ ناتيجەسىندە قازاقستان رەسپۋبليكاسىندا تۇرۋ ەرەجەلەرىن بۇزىپ, ەش تىركەۋسىز نەمەسە جەكە باستى كۋالاندىراتىن قۇجاتسىز جۇرگەن 20 ادامعا قاتىستى اكىمشىلىك قۇقىقبۇزۋشىلىقتار تۋرالى كودەكسىنىڭ 492 بابىنا سايكەس اكىمشىلىك ءىس قوزعالدى», - دەلىنگەن حابارلامادا.
ۇشكوپىر كوشەسىندەگى مەتالل قابىلداناتىن پۋنكتەردىڭ بىرىنەن پوليتسيا قىزمەتكەرلەرى ءتۇستى مەتاللدىڭ 100 كەلىسىن (كابەل) انىقتادى. ايعاقتى زات تاركىلەنىپ, تەكسەرۋ امالدارى جۇرگىزىلۋدە.
