مەديتسينالىق مەكەمەلەر جاڭاشىلدىق اياسىندا قاعازباستىلىقتان ارىلۋدا. №4 ەمحانادا دارىگەرلەر تسيفرلاندىرۋ باعىتىندا قولعا الىنعان باعدارلامالاردى مەڭگەرۋدە.
ەمحانا باسشىلىعىنىڭ ايتۋىنشا, كۇندەلىكتى تاڭعى ساعات 8.00-دەن باستاپ ەمحاناعا 600-دەن استام ادام حابارلاسادى ەكەن.ەمحانادا فليۋروگرافيا, رەنتگەن اپپاراتىنا كەزەك ەلەكتروندى تۇردە تالون ارقىلى جۇزەگە اسىرىلادى. ءبىر اپتانىڭ ىشىندە 615 ادام دارىگەردى ۇيگە شاقىرىپ, 7953 ادام قابىلداۋعا جازىلعان.
ال 369 ادام قابىلداۋعا جازىلۋدا “Damumed” ءموبيلدى قوسىمشاسىن پايدالانعان. دارىگەرلەر ءوز بولىمشەلەرىنە تىركەلگەن ادامداردىڭ دەنساۋلىعىنا مونيتورينگ جاساي الادى.
ءبىر اپتا ىشىندە 500 ەڭبەككە جارامدىلىق پاراعى اشىلعان. ونىڭ ءبارى ەلەكتروندى فورماتتا باقىلانادى.
قازىرگى ۋاقىتتا تىركەۋ ءبولىمى قاعازباستىلىقتان ارىلدى. ەمحانادا تۇڭعىش رەت تۇرعىنداردىڭ قوڭىراۋىن قابىلدايتىن ارنايى ID تەلەفون ورتالىعى جۇمىس ىستەيدى. مۇندا ماماندار كوپ ارنالى تەلەفون ارقىلى تۇرعىنداردىڭ ساۋالىنا جاۋاپ بەرىپ, دارىگەر قابىلداۋىنا جازادى.
ەمحانادا ەمدەلۋشىلەر ءۇشىن «Damumed» ءموبيلدى قوسىمشاسى جۇمىس ىستەيدى. ەمحانادا ورناتىلعان LED ەكرانداردا ءموبيلدى قوسىمشانى پايدالانۋ ەرەجەلەرى وتە قولجەتىمدى جانە ءتۇسىندىرۋ اقپاراتى بار بەينەروليكتەر كورسەتىلەدى.
DamuMed موبيلدىك قوسىمشاسىن پايدالانۋشىلار دارىگەردىڭ قابىلداۋىنا جازىلۋعا نەمەسە دارىگەردى ۇيگە شاقىرتۋعا, جازىلعان رەتسەپتەردى جانە زەرتحانالىق زەرتتەۋلەردىڭ ناتيجەلەرىن قاراۋعا, ەڭبەككە جارامسىزدىق پاراقتارىن جۇكتەي الۋعا مۇمكىندىگى بار.
DamuMed-دارىگەرلەر مەن پاتسيەنتتەردىڭ ۋاقىتىن ۇنەمدەۋ. قوسىمشا وتىنىشتەردىڭ ناتيجەسىن الۋ جانە ناتيجەگە جەتۋدى جىلدامداتادى.
ەمدەلۋشىلەردى قولجەتىمدى تۇردە قاجەتتى مەديتسينالىق اقپاراتپەن قامتاماسىز ەتەدى. ولاردىڭ دەنساۋلىعىنا قاتىستى قاجەتتى شارالار تۋرالى ەسكە سالادى.
تۇرعىندار ۇيدە وتىرىپ-اق دارىگەردىڭ قاراۋىنا جازىلا الادى. دارىگەردى ۇيگە شاقىرۋعا بولادى. دارىگەر ءوز جەكە كابينەتىنە كىرىپ, ۇيگە شاقىرعاندار مەن قابىلداۋعا جازىلعانداردىڭ سانىن كورەدى.
جەكە مودۋل ارقىلى ەمدەلۋشىلەردىڭ بارلىق قيمىل-قوزعالىسىن, ەمدەلۋ قورىتىندىلارىن باقىلاي الادى.
سونداي-اق, بولىمشەگە تىركەلگەن تۇرعىنداردىڭ تولىق ءتىزىمىن كورە الادى, ولاردى جاسىنا قاراي, باسقا دا قاجەتتىلىكتەرىنە قاراي ىرىكتەي الادى.
بۇل ءتىزىم ارقىلى سكرينينگتەن وتۋگە ءتيىستى تۇرعىنداردى انىقتاپ, ەم-شارالاردىڭ كەستەسىن تۇزەپ, حابارلاسا الادى.
فاريدا بىقاي,
«ەگەمەن قازاقستان»
پاۆلودار
