الماتى قالاسىنداعى نازارباەۆ زياتكەرلىك مەكتەبىنىڭ (نزم) 12 سىنىپ وقۋشىسى يۆان كرەپاكتىڭ ايتۋىنشا, ستارتاپتاردى قولداۋدىڭ ارنايى قورىن قۇرۋ — بۇل جاستارعا ەلىمىزدىڭ يگىلىگى ءۇشىن بارىنشا ەڭبەك ەتۋگە, ستارتاپتار قۇرىپ, تۇيگەن-بىلگەنىمەن بولىسۋگە ىنتالاندىرادى.
الماتى قالاسىنداعى نزم فيزيكا-ماتەماتيكا باعىتىنىڭ 12 سىنىپ وقۋشىسى يۆان كرەپاك — باعدارلاماشى, روبوت تەحنيگى جانە ات-قاۋىپسىزدىك سالاسىنىڭ مامانى. يۆان قازاقستانداعى العاشقى اقىلدى ق ۇلىپ — «bLock»-تى ازىرلەدى, سونداي-اق جاستاردىڭ ءتۇرلى جارىستارعا قاتىسۋ ۇلەسىن ارتتىرۋدى كوزدەيتىن «Zharys» ءموبيلدى قوىمشاسىن ازىرلەپ شىعاردى. بۇعان قوسا, ول «Qiianat Etpe» لاڭكەستىككە قارسى انتەننا» جوباسىنىڭ ازىرلەۋشىسى جانە سويلەۋ مەن ەستۋ قابىلەتى بۇزىلعان ادامدارعا يشارات ءتىلىن مەڭگەرمەگەن ادامدارمەن بايلانىس ورناتۋعا مۇمكىندىك بەرەتىن «VoiceKomek» ءموبيلدى قوسىمشاسىنىڭ اۆتورى.
«بۇگىندە بارلىق حالىقارالىق بايقاۋلاردا, وليمپيادالاردا ەلىمىزدىڭ اتىن زياتكەرلىك مەكتەپتەردىڭ بالالارى تانىتۋدا. جاستارىمىزدىڭ حالىقارالىق دەڭگەيدە باسەكەگە قابىلەتتى ەكەنىنە كوزىم جەتتى. ەلىمىزدىڭ مىقتى ءبىلىم بەرۋ الەۋەتى بار. مەملەكەت ەلىمىزدە بىلىمدىلەر ورتاسى دامىپ, جاستارعا وقىپ, ءتۇرلى جوبالاردى ىسكە اسىرۋعا قولدان كەلگەننىڭ ءبارىن جاساپ جاتىر. نۇرسۇلتان نازارباەۆ ايتقانداي, وتكەن بۋىننىڭ تاجىريبەسىن قايتالاپ قانا قويماي, ساۋاتتى, باسەكەگە قابىلەتتى ءارى تاجىريبەلى جاستاردى ءوسىرۋىمىز كەرەك. ەلىمىزدە “Amazon”-ى بار دجەفف بەزوس, ءوزىمىزدىڭ “Uber” كومپانيامىز جانە “Alibaba” سەكىلدى ينتەرنەت الىبى بولاتىنىنا كامىل سەنەمىن», — دەدى يۆان كرەپاك.
ي. كرەپاك ءبىر ەلمەن قوسا, كۇللى الەم پايدالاناتىن جاڭالىقتار, سەرپىلىستى ءارى اۋقىمدى يدەيالار ادامنىڭ جاس كەزىندە ويلاپ تابىلادى دەپ ەسەپتەيدى. جاستار كۇردەلى ماسەلەلەرگە جەڭىل قارايدى, قيىن مىندەتتەردى ورىنداۋدان قورىقپايدى. جاستار تىڭ يدەيالاردى ىسكە اسىرۋدان تايسالمايدى. ساتسىزدىكتەردەن سەسكەنبەيدى.
«بارلىق ءساتتى شىققان ستارتاپتار بىردەن تابىستى بولعان ەمەس, تابىستى ستارتاپتار – بۇل باستان وتكەن ءساتسىز ارەكەتتەر مەن تالپىنىستاردان الىنعان تاجىريبەنىڭ جەمىسى. مەن ء"جارىس" موبيلدى قوسىمشاسىن ىسكە قوسقانعا دەيىن كوپتەگەن باسقا ءموبيلدى قوسىمشالاردى ازىرلەدىم. كەيبىرەۋلەرى كوپشىلىككە تانىلمادى, كەيبىرى ءجوندى اياقتالماي قالدى, كەي جەرلەردە تاجىريبەم از بولدى, دەگەنمەن, ات بويىنشا جارىستارعا, وليمپيادالارعا, حاكاتوندارعا جانە باسقا دا مەكتەپ پاندەرىنە قاتىسا باستاعان كەزدە, جالعىز ينتەرنەتتىڭ كومەگىمەن الىسقا بارمايتىنىمدى ءتۇسىندىم, ادامدارمەن ءجيى ارالاسىپ, كاسىبي ماماندارمەن اقىلداسۋدىڭ قاجەت ەكەنىن ءتۇسىندىم. ودان كەيىن نيەتتەس, ماقساتىمىز ءبىر ادامداردى جولىقتىردىم. ەلباسىمىز ستارتاپتاردى قولداۋدىڭ ارنايى قورىن قۇرۋ تۋرالى شەشىم قابىلداعانىنا وتە قۋانىشتىمىن», — دەپ جاس ونەرتاپقىش پىكىرىمەن ءبولىستى.
سونداي-اق, ول جاستار جىلى وسكەلەڭ ۇرپاققا وزدەرىنىڭ ءبىلىم كوكجيەكتەرىن كەڭەيتىپ, وقۋ سالاسىنداعى بىلىمدەرىن جەتىلدىرۋگە, كاسىپكەرلىكتە جانە ەكونوميكا مەن قوعامنىڭ باسقا دا سالالارىندا اقپاراتتىق تەحنولوگيالاردى دامىتۋعا جول اشاتىنىنا سەنىم ءبىلدىردى.
«جاستار جىلى – بۇل قازاقستان ءۇشىن جاڭا ءبىر بەلەس. بۇنى رەبرەندينگ دەۋگە بولادى. بۇگىندە قازاقستان كوپتەگەن كورسەتكىشتەر بويىنشا تمد ەلدەرىنەن عانا ەمەس, سونداي-اق اقش-تان, كانادادان, جاپونيادان, قىتايدان وزىق تۇر», — دەدى ي. كرەپاك.
