ەلباسىمەن كەزدەسۋ بەيرەسمي سيپاتتا بولعاندىعى قۋانتتى. پرەزيدەنت ءبىزدىڭ ورتامىزعا گالستۋكسىز كەلىپ, ەكى ساعات بويى ورتاق ماسەلەلەردى شىنايى تۇردە تالقىلادىق. مەملەكەت باسشىسىن تەك پرەزيدەنت رەتىندە عانا ەمەس, سونداي-اق ءبىزدىڭ جاناشىرىمىز, ەلدىڭ ۇلكەن اعاسى رەتىندە تانىپ بىلدىك.
ويتكەنى ەلباسىنىڭ جاناشىر سوزدەرى, اكەلىك اقىل-كەڭەستەرى جاستاردىڭ ماتەريالدىق جاعدايىن كوتەرۋگە عانا بايلانىستى ەمەس, جەكە ومىرىنە قاتىستى وتە ۇلكەن ماسەلەلەردىڭ ءتۇيىنىن تارقاتىپ بەردى. مەنىڭ ءوزىم حالقىمىزدىڭ داستۇرىندەگى ەل اعاسىنىڭ جاستاردى جيناپ, باعىت-باعدارىن كورسەتىپ, اقىل-كەڭەسىن بەرەتىن جيىنعا قاتىسىپ كەلگەندەي اسەردە وتىرمىن.
اسىرەسە ەلباسىنىڭ جاستاردى تۇرعىن ۇيمەن قامتاماسىز ەتۋگە بايلانىستى ۇسىنىستارىنا ريزامىن. ەندى ءاربىر قالادا جىل سايىن جاستار ءۇشىن 1000 جالدامالى پاتەر سالىنۋى – جاستاردىڭ كوكەيىندەگى ماسەلەگە ءدوپ تۇسكەندىك.
مەملەكەت باسشىسىنىڭ جاستار اراسىنداعى جۇمىسسىزدىقتى شەشۋ جولدارىنا بايلانىستى ۇسىنىسىن, جوعارى وقۋ ورىندارى مەن جاستاردىڭ جاۋاپكەرشىلىگىن ارتتىرۋعا بايلانىستى پىكىرلەرىن دە تولىق قولدايمىن.
اقەركە جۇمانباي,
«استانا» تەلەارناسىنىڭ مۋزىكالىق پروديۋسەرى
