الەۋمەتتىك جۇكتەردى, سونىڭ ىشىندە بيداي جانە ۇنتاق ونىمدەرىن تاسىمالداۋدى قامتاماسىز ەتۋ «قتج» ۇك» اق جۇمىسىنىڭ باسىمدىقتى باعىتتارىنىڭ ءبىرى بولىپ تابىلادى. ماسەلەن, اعىمداعى جىلى قاڭتار ايىنىڭ باسىنان بەرى 872,4 مىڭ توننا استىق تاسىمالدانسا, بۇل 2018 جىلدىڭ سايكەس كەزەڭىمەن سالىستىرعاندا 8,9% ارتىق. بۇل رەتتە 190 مىڭ توننا ۇنتاق ونىمدەرى, سونىڭ ىشىندە ەكسپورتقا 134 مىڭ توننا ۇن تاسىمالدانعان.
«قتج – جۇك تاسىمالى» اق باسقارما توراعاسى قايرات ساۋىرباەۆ اتاپ كەتكەندەي, جۇك جونەلتۋشىلەردى ۆاگوندارمەن قامتاماسىز ەتۋ – ەرەكشە باقىلاۋدا, ال الەۋمەتتىك ماڭىزدى جۇكتەردى تاسىمالداۋ تولىق كولەمدى ورىندالۋدا.
قازاقستان استىق وڭدەۋشىلەر وداعىنىڭ پرەزيدەنتى ەۆگەنيا گانانىڭ ايتۋىنشا, «استىق پەن ۇن تاسىمالى ءۇشىن قاڭتار ادەتتەگىدەي تىنىش اي بولىپ تابىلادى, ال 2018 جىلدىڭ قاراشاسى مەن جەلتوقسانى تاسىمالدىڭ جوعارى شەگى بولدى». ول سونداي-اق تۇركمەنستان ارقىلى جاڭا باعىتتى دامىتۋدىڭ ماڭىزىن اتاپ كەتتى.
2018 جىلى 11,5 ملن. توننا استىق تيەلسە, بۇل 2017 جىلدىڭ دەڭگەيىنەن 35% اسسا, سونىڭ ىشىندە ەكسپورت – 8,8 ملن. توننانى قۇراپ, 2017 جىل كورسەتكىشىنەن 52% ارتىق. ۇنتاق ءونىمى 3,5 ملن. تونناعا تيەلسە, بۇل 2017 جىل دەڭگەيىنەن 3% ارتىق.
كەڭەس بارىسىندا تاراپتار وڭىرلەر بويىنشا ۇنتاق ونىمدەرىن تاسىمالداۋ تۋرالى اي سايىنعى نەگىزدە مالىمەتتەر الماسۋ جونىندە ۋاعدالاستى.
