ال بالىق وسىرۋشىلەر بۇل شىعىننىڭ ورنىن جابا الماي وتىر. ماسەلەن, 2017 جىلى 109 توننا بالىق وسىرىلسە, 2018 جىلى 130 توننا عانا وسىرە العان. وسىعان وراي وبلىستا بالىق شارۋاشىلىعىن دامىتۋ باعدارلاماسى قولعا الىنىپ, بالىق ءوسىرۋ كاسىپورىندارىنىڭ سانىن ءۇش ەسەگە ارتتىرۋ مەجەلەنىپ وتىر.
– بالىق جەمى قىمبات. سوندىقتان, سۋبسيديا ءبولۋ ماسەلەسى وزەكتى. بيىل وبلىستىق بيۋدجەتتەن 4 ملن 200 مىڭ تەڭگە قارالدى. بالىق ءوسىرۋشى ون شارۋاشىلىق جەم ساتىپ الاتىن بولسا, ءار كەلى جەمگە 105 تەڭگەدەن سۋبسيديا الۋعا مۇمكىندىكتەرى بار. ولارمەن قازىر جۇمىس جاساپ جاتىرمىز, - دەيدى وبلىستىق تابيعي رەسۋرستار, تابيعات پايدالانۋدى رەتتەۋ باسقارماسىنىڭ ءبولىم باسشىسى جالعاس احمەتوۆ.
جەرگىلىكتى بالىق شارۋاشىلىقتارىن جەممەن قامتاماسىز ەتۋدە وسىنداي شەشىم قابىلدانعان. ال, قۇراما جەمسىز بالىقتىڭ سالماعى وسپەيدى. بالىقتى كوبەيتۋدە براكونەرلەرگە دە قارسى كۇرەس كۇشەيتىلمەك.
باقتيار تايجان,
«Egemen Qazaqstan»
قىزىلوردا وبلىسى
