ۇلتتىق اككرەديتتەۋ ورتالىعى ILAC زەرتحانالارىن اككرەديتتەۋ بويىنشا حالىقارالىق ىنتىماقتاستىقتىڭ تولىق قۇقىقتى مۇشەسى جانە ILAC MRA سىناق جانە كاليبرلەۋ زەرتحانالارىن اككرەديتتەۋ بويىنشا (ISO/IEC 17025) ءوزارا تانۋ تۋرالى كەلىسىمدەردىڭ قاتىسۋشىسى بولىپ تابىلادى. «اككرەديتتەۋ ايتۆ-ينفەكتسياسىنىڭ دياگنوستيكاسى سالاسىنداعى سايكەستىكتى باعالاۋ بويىنشا قىزمەتتى جۇزەگە اسىرۋدا جيتس ورتالىعىنىڭ قۇزىرەتتىلىگىنىڭ دالەلى بولىپ تابىلادى, قىزمەت ساپاسىن جەتىلدىرۋگە ىقپال ەتىپ, باسەكەگە قابىلەتتىلىكتى ارتتىرادى», – دەدى ورتالىقتىڭ باس دارىگەرى ءسابيت ءابدىرايىموۆ. جيتس ورتالىعىنىڭ دياگنوستيكالىق زەرتحاناسى ايتۆ ينفەكتسياسىنىڭ جانە ۆيرۋستىق گەپاتيتتەردىڭ دياگنوستيكاسى بويىنشا زەرتتەۋلەر جۇرگىزۋدە 20 جىلدىق تاجىريبەسى بار, جىل سايىن مۇندا 300 مىڭنان استام زەرتتەۋ جۇرگىزىلەدى, زەرتحانالىق پروتسەستىڭ بارلىق كەزەڭدەرىندە زەرتتەۋلەردىڭ ساپاسى مەن دالدىگى قامتاماسىز ەتىلەدى. ورتالىق زاماناۋي كاسىبي جابدىقتارمەن جابدىقتالعان, ال مامانداردىڭ پراكتيكالىق تاجىريبەسى مەن بىلىكتىلىك دەڭگەيى بارلىق ناۋقاستارعا ساپالى مەديتسينالىق قىزمەتتەردىڭ قولجەتىمدىلىگىنە كەپىلدىك بەرەدى.
