نۇرسۇلتان نازارباەۆتىڭ ايتقانداي, الداعى ۋاقىتتا ۇزدىك 10 كوللەدج قازاقستان بويىنشا جاسالاتىن بولادى. ال سەمەيدە دە رەسپۋبليكاعا تانىمال كوللەدجدەر بار. سولاردىڭ ءبىرى مۇحتار اۋەزوۆ اتىنداعى پەداگوگيكا كوللەدجى, وندا الاش ارىستارى ءبىلىم العان. تاعى ءبىر زاماناۋي وقۋ ورنى-جۇمىسشى جاستاردى دايىندايتىن سەمەي ەلەكتروتەحنيكالىق كوللەدجى. كوللەدج ديرەكتورى ازات سارپەكوۆ تە ۇلگىلى جاستىڭ ءبىرى.
- جاستاردىڭ بىلىمدىلىگى, بىلىكتىلىگى جاعىنان قازاقستان الەمدە 15-ءىنشى ورىندا تۇر دەپ ايتقان ەلباسىنىڭ سوزىنە ريزا بولدىم,-دەدى ازات سارپەكوۆ,-قازاقستاننىڭ بولاشاعى جاستاردىڭ قولىندا. «تاۋەلسىزدىكتىڭ ۇرپاقتارى» دەپ اتالاتىن جيىندا جاستار ءۇشىن ەڭ باستى ماڭىزدى ماسەلە ءبىلىم الۋ كەرەكتىگىن ايتقاندىعى بولدى. پرەزيدەنت جينالعان جاستارعا بۇگىندە بارلىق سالانىڭ وزگەرىپ جاتقاندىعىن, جاڭا تەحنولوگيانىڭ زامانى كەلگەنىن ايتتى. تسيفرلاندىرۋ جۇيەسىن دامىتۋ, وركەنيەتتى ەلدىڭ قاتارىنا قوسىلۋ, مىنە, وسىنىڭ بارلىعى جاستاردىڭ قولىندا ەكەنى راس. ء«بىز مەكتەپتە وقىعاندا ۇيىمىزدە تەلەديدار دا بولعان جوق. بۇل اۋىلداعى جەرلەردەگى كورىنىس. راديو ەندى عانا شىققان. تەلەفوندار دەگەندى ءتىپتى دە بىلمەيتىنبىز. قازىر بولسا ءار 10 جىل سايىن ەلدە ءتۇرلى تەحنولوگيالار پايدا بولۋدا» دەگەن پرەزيدەنتتىڭ ءسوزى ءار جاسقا وي سالدى دەپ ويلايمىن.
جاستار ساياساتىن قولداۋعا وراي ەلباسى سوزىنە سەمەي قالاسىنداعى جاستار رەسۋرستىق ورتالىعىنىڭ ديرەكتورى ولجاس سوعىمباي دا ءوز پىكىرىن ءبىلدىردى:
- ەلباسىنىڭ بۇگىنگى تاپسىرماسى كوڭىلىمىزدەن شىقتى.
كەزدەسۋ بارىسىندا ەلباسى جاستار ساياساتىنىڭ ماڭىزدىلىعى تۋرالى ايتتى. ەلباسى ايتقاندارىن باستى نازارعا العان جاستار ەگەمەندى ەلىمىزدىڭ كەمەل كەلەشەگىن, الىپ مەملەكەتتەر قاتارىنا قوسىلۋ جولىندا قويىلعان ناقتى ماقسات-مىندەتتەرىن قۇرمەتتەيدى. ولاردى جۇزەگە اسىرۋ جاستاردىڭ بىلىمدىلىگىنە, ودان كەيىن بەلسەندىلىگىنە تىكەلەي بايلانىستى. وسى ورايدا ايتا كەتەيىن, پرەزيدەنتتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋى توسىننان تۋىنداعان قۇجات ەمەس, بۇل وسىدان التى جىل بۇرىن جاريالانعان «قازاقستان – 2050» ستراتەگياسىنىڭ ەرەكشە بەلەسى. ءبىز جاستار سونى ءتۇسىنىپ وتىرمىز. رۋحاني جاڭعىرۋعا بارىنشا كوڭىل اۋدارىپ, تاريحىن بىلەتىن, ءتىلىن, ءدىنىن تۇسىنەتىن جاس ۇرپاقتى قالىپتاستىرۋعا باعىتتالعان ءىس-شارالار وتكىزبەكپىز. قازاق ەلىنىڭ ۇلت رەتىندە ۇيىسا ءبىلۋىنىڭ, ۇلتارالىق تۇسىنىستىكتىڭ, توزىمدىلىك پەن سەنىمدىلىكتىڭ ارقاسىندا بيىك بەلەستەردى باعىندىردىق. وسى جولى دا ەلباسى جاستارعا سەنىم ءبىلدىردى. بۇل سەنىمدى ءبىز قالايدا اقتايمىز.
شاكارىم اتىنداعى مەملەكەتتىك ۋنيۆەرسيتەتتە وتكەن ءىس-شاراعا قاتىسۋشىلار جيىن سوڭىندا ء«بىز ءوز پرەزيدەنتىمىزبەن, ءوز ەلىمىزبەن ماقتانامىز! ءبىز تالانتتى جاستارمىز!» دەپ ۇرانداتتى.
راۋشان قابجانقىزى,
«ەگەمەن قازاقستان»
سەمەي
