فوتودا حۋان گۋايدو
قاڭتاردىڭ ورتاسىندا ۆەنەسۋەلادا پرەزيدەنتتىك سايلاۋ ءوتىپ, وندا ن.مادۋرو جەڭىسكە جەتكەن بولاتىن. الايدا تۇرعىندار داۋىس بەرۋدىڭ ادىلەتسىز وتكەنىن العا تارتىپ, ن.مادۋرونىڭ مەملەكەت تىزگىنىن ۇستاۋىنا قارسىلىق تانىتتى.
ەكى كۇنگە سوزىلعان شەرۋدە ەل استاناسى كاراكاستىڭ تۇرعىندارى ء«بىز كىمبىز؟ ۆەنەسۋەلا! نەنى قالايمىز؟ ازاتتىق!» دەپ ۇرانداتىپ, قالا كوشەلەرىن ارالاپ شىققان. The Guardian گازەتىنىڭ حابارلاۋىنشا, نارازىلىق اكتسياسىن تارقاتۋعا كەلگەن ۇلتتىق گۆارديانىڭ كەيبىر ساربازدارى حالىق جاعىنا ءوتىپ كەتكەن ەكەن.
ايتسە دە, قالانىڭ كوپ بولىگىندە كۇشتىك قۇرىلىمدار شەرۋشىلەرگە سۋ شاشىپ, جينالعانداردى تارقاتۋعا كۇش سالىپ جاتىر. وپپوزيتسيا وكىلدەرىنىڭ باسشىسى,ء وزىن ۋاقىتشا ۇكىمەت باسشىسى دەپ مالىمدەگەن حۋان گۋايدو كۇشتىك قۇرىلىمداردى مادۋرونى قولداۋدان باس تارتۋعا شاقىردى.
كاراكاستا جينالعان شەرۋشىلەر الدىندا سويلەگەن سوزىندە ول ەل باسشىسى مىندەتىن وزىنە الىپ, قازىرگى بيلىكتى قىزمەتىنەن قۋىپ, ۋاقىتشا ۇكىمەت قۇرۋعا جانە ءادىل سايلاۋ وتكىزۋگە ۋادە بەردى.
اقش پرەزيدەنتى دونالد ترامپ ءوز كەزەگىندە ح.گۋايدونى ەل باسشىسى دەپ سانايتىنىن مالىمدەدى. «ۆەنەسۋەلا حالقى مادۋروعا جانە ونىڭ رەجيمىنە قارسى باتىل تۇرا ءبىلىپ, ازاتتىق پەن ادىلدىكتى تالاپ ەتتى» دەلىنگەن اق ءۇي باسشىسىنىڭ مالىمدەمەسىندە.
د.ترامپ ءوز سوزىندە ن.مادۋرونىڭ ەل باسقارۋىن زاڭسىز دەپ سانايتىنىن جەتكىزىپ, ۆەنەسۋەلا پارلامەنتى عانا حالىقتىڭ داۋىسىمەن سايلانعانىن العا تارتتى.
«امەريكا مەملەكەتتەرىنىڭ ۇيىمى» دا حۋان گۋايدونى ەل باسشىسى دەپ تانيتىنىن مالىمدەدى.
بۇعان دەيىن بەيمالىم بولىپ كەلگەن 35 جاستاعى ح.گۋايدو ۆەنەسۋەلا پارلامەنتى – ۇلتتىق اسسامبلەيانى باسقارعالى بەرى مادۋرو اكىمشىلىگىنىڭ جەمقورلىققا باتىپ قالعانىن ءجيى كوتەرىپ كەلدى.
ال پارلامەنت توراعاسى اتانعان سوڭ مادۋرونىڭ زاڭسىز سايلانعانىن العا تارتىپ, كەلەسى سايلاۋعا دەيىن ەل تىزگىنىن قولعا الۋعا كونستيتۋتسيالىق قۇقىعى بار ەكەنىن مالىمدەدى.
